ကျွန်တော်လူပြန်တော်

ဒုလ္လဘတရား ငါးပါးထဲမှာ “ပဗ္ဗဇိတဘာဝေါ ဒုလ္လဘော - ရဟန်းအဖြစ်ဟာ ရခဲခြင်း" ဆုိုပြီးတော့ မြတ်စွာဘုရား ဟောကြားတော်မူထားပါတယ်။ ရခဲလွန်းလုို့ မြတ်စွာဘုရားတောင်မှ လေးအသင်္ချေနဲ့ ကမ္ဘာတသိန်း ပါရမီဖြည့်ကျင့်ခဲ့တဲ့ ကာလတလျှောက် ရဟန်းဘ၀ကုို ကုိုးကြိမ်လောက်ပဲ ရခဲ့တယ်လုို့ ကျမ်းဂန်တွေမှာ ဆုိုထားပါတယ်။ ဒါတွေကုို ကျွန်တော်မသိမဟုတ်၊ သိပါတယ်။

သုို့သော်ငြားလည်း ပါရမီကုန်သွားတယ်လုို့ပဲ ပြောရမှာပါ။ ကုိုရင်ဘ၀နဲ့ ၉  ၀ါ၊ ရဟန်းဘ၀နဲ့ ၂၁ ၀ါ၊ စုစုပေါင်း အနှစ်သုံးဆယ်ကျော် သာသနာ့ဘောင်မှာ ဘ၀ကုိုမြှုပ်နှံထားပြီးကာမှ ထွက်လုိုက်ရတာကတော့ ကျွန်တော့် ဘ၀ကုို ကျွန်တော်မနှမြောလုို့တော့ မဟုတ်ပါ။ သိတဲ့လူတွေအားလုံးက မိဘကအစ နှမြောစရာကွယ်လုို့
ပြောကြပေမယ့် သူတုို့နှမြောတာထက် ကျွန်တော့်ကုိုယ်ကျွန်တော် နှမြောတာက အဆများစွာပုိုပါလိမ့်မယ်။ ဘာကြောင့်လဲဆုိုတော့ ဘ၀တခုနဲ့ရင်းပြီး ဆုံးဖြတ်လုိုက်ရတာမုို့ပါ။ ထွက်တဲ့နေ့တုန်းကဆုို ယောက်ျားတန်မဲ့ မျက်ရည်ကျခဲ့ရတာပါ။

ဘာကြောင့်ထွက်ရတာလဲလုို့မေးရင် တကယ်ပဲပါရမီကုန်သွားလုို့ပါ။ အပေါ်မှာပြောခဲ့တဲ့ ဒုလ္လဘတရား ငါးပါးထဲမှာပဲ "ဒုလ္လဘာ သဒ္ဓါသမ္ပတ္တိ - သဒ္ဓါတရားနဲ့ပြည့်စုံဘုို့ခဲယဉ်းတယ်" လုို့ဟောထားပြန်တဲ့အတွက် ရခဲလှတဲ့ ရဟန်းဘ၀အဖြစ်နဲ့ ဆက်လက်နေထုိုင်သွားဘုို့ သဒ္ဓါတရားရှိဘုို့ကလည်း တကယ်မလွယ်ပါဘူး။

လူတွေအမြင်မှာတော့ ဘုန်းကြီးဘ၀ဟာ အေးချမ်းတယ်၊ အနေအစားလွယ်တယ်လုို့ အပြင်ပန်းမြင်ကြတယ်။  နေနုိုင်သူအတွက်ကတော့ တကယ်ပဲအေးချမ်းပြီး အမှန်တကယ်ပဲ အနေအစားလွယ်ပါတယ်။ မနေနုိုင်သူ အတွက်ကတော့ သူများတွေပေးလှူလုို့ လွယ်လွယ်ကူကူရလာတဲ့ စားဦးစားဖျားကုိုစားရတာဟာ ရဲရဲနီနေတဲ့ သံတွေခဲကုို စားသုံးနေရသလုို၊ ဒီအတုိုင်းကြိတ်မှိတ်ပြီးဆက်နေသွားလုို့ အပြစ်တွေကျူးလွန်နေရင် သံသရာမှာ နစ်မွန်းဖုို့ပဲရှိပါတော့တယ်။ အပြစ်ဗလပွနဲ့နေနေတဲ့ရဟန်းတပါးအနေနဲ့ လူဒါယကာတွေက လက်အုပ်ချီအရုိုအသေပေးလာရင် လူတွေရဲ့လက်ဆယ်ချောင်းဟာ လှံဆယ်ချောင်းနဲ့ အလားသဏ္ဌာန် တူတယ်လုို့ ငယ်စဉ်ကတည်းက ဆရာသမားတွေဆုံးမခဲ့ကြတာပါ။ ဒီအဆုံးအမဟာ ကျွန်တော့်ရင်ထဲမှာ သံမှိုစွဲသလုို စွဲကပ်နေခဲ့ပါတယ်။

ဆရာသမားရဲ့ နောက်ထပ်အဆုံးအမတခုရှိပါသေးတယ်။ ရဟန်းတွေအပြစ်ကျူးလွန်တာက လူတွေအပြစ် ကျူးလွန်တာထက်ပုိုအထိနာပါတယ်။ ဘာလုို့လဲဆုိုတော့ လူတွေအပြစ်ကျူးလွန်တာက သူ့ထမင်းသူစားပြီး ကျူးလွန်တာဖြစ်လုို့ပါပဲ။ ရဟန်းတွေကတော သူများတွေချွေးနဲစာကုို သဒ္ဓါတရားနဲ့ ပေးလှူထားတဲ့ စားဦး စားဖျားတွေကုို စားပြီးအပြစ်ကျူးလွန်လုို့ပါပဲ။ အနိမ့်ကကျတာထက် အမြင့်ကကျတာက ပုိုအထိနာပါတယ်။ ဒါကြောင့်ပဲ စာသင်သားဘ၀ စာသင်တုိုက်မှာနေတော့ ဆရာတော်ကအမြဲပြောလေ့ရှိတယ်၊ မနေနုိုင်ရင် ထွက်ပါတဲ့။ ဘယ်သူနဲ့မှလဲစာချုပ်ချုပ်ထားတာမဟုတ်တဲ့အတွက် မနေနုိုင်တဲ့တနေ့မှာ သတ္တိရှိရှိ ထွက်ပြီး ဘ၀ကုိုရင်ဆုိုင်ပါ။ ရုိုးသားကြိုးစားတဲ့လူတယောက်အတွက် မဆင်းရဲနုိုင်ပါဘူးလုို့ ဆရာသမားက အမြဲတစေ ဆုိုဆုံးမခဲ့တာပါ။ မနေနုိုင်ဘဲ ကြိတ်မှိတ်နေပြီး အပြစ်တွေကျူးလွန်နေရင် သာသနာ့တာဝန်ကုို ထမ်းရွက်နေ တာမဟုတ်ဘဲ သာသနာတော်က ကုိုယ့်ရဲ့ဝန်ကုို ထမ်းနေရတာဖြစ်လုို့ အပြစ်ကြီးလှပါတယ်လုို့ ဆုံးမခဲ့ကြ ပါတယ်။

ကျွန်တော် အသက် ၅ နှစ်အရွယ်မှာ ဘုန်းကြီးကျောင်းသားဘ၀နဲ့ ဘုန်းကြီးကျောင်းကုိုရောက်ပါတယ်။ ၉  နှစ်အရွယ်မှာ ကုိုရင်ဝတ်တော့ မိဘဆွေမျိုးတွေက ကုိုရင် ဘယ်နှစ်ဝါနေမလဲမေးတော့ ပျော်သလောက်ပေါ့ လုို့ပြောတယ်။ အဲဒီမှာသူတုို့က အဖေအတွက် ၁ ၀ါ၊ အမေအတွက် ၁ ၀ါ၊ အဘုိုးအဘွားတွေအတွက် ၁ ၀ါစီ၊ အဒေါ်အပျိုကြီးလက်ပေါ်မှာ ကြီးခဲ့တာမုို့လုို့ အဒေါ်အတွက် ၁ ၀ါ၊ စုစုပေါင်း ၅ ၀ါပြည့်အောင်နေပေးပါလုို့ ပျော် စေပျက်စေ သဘောမျိုးနဲ့ပြောကြတော့၊ ကောင်းပြီ ကျွန်တော် ၅ ၀ါပြည့်အောင်နေပေးမယ်၊ ၅ ၀ါပြည့်ရင် ထွက်မယ်လုို့ပြောတော့ သူတုို့ကလဲအုိုကေပေါ့။ ၅ ၀ါပြည့်တော့ ထွက်မယ်လုပ်တော့ ဆရာဘုန်းကြီးက အိမ်ကပုို့လာတဲ့ အ၀တ်အစားတွေကုို သိမ်းလုိုက်လုို့ မထွက်ဖြစ်တော့ဘူး။

နောက်ပုိုင်းစာသင်တုိုက်ရောက်ပြီးတော့ အဆုိုတော်အောင်ရင်တုို့နဲ့ ဆက်စပ်မိတယ်။ ကုိုအောင်ရင်ရဲ့အမေ က ပစ္စည်းလေးပါး ဒကာခံပြီး ရဟန်းခံပေးတယ်။ ကျွန်တော်နဲ့အတူ ကျွန်တော့်သူငယ်ချင်း တခြားကုိုရင် တပါးကုိုလဲ ကုိုအောင်ရင်တုို့က ရဟန်းခံပေးတယ်။  အဲဒီကုိုယ်တော်ကတော့ ၁ ၀ါလား ၂ ၀ါလားမမှတ်မိ
တော့ဘူး။ စောစောစီးစီးပါရမီကုန်လုို့ စောစောစီးစီး လူထွက်သွားတယ်။ ကျွန်တော်လဲ ရဟန်း ၅ ၀ါလောက် ရတော့ လူထွက်ဘုို့ကြံလာတယ်။ အဲဒီအချိန်မှာ ကုိုအောင်ရင့်အမေ ရဟန်းဒကာမကြီးရဲ့ငွေကြေး အထောက်အပံ့နဲ့ နုိုင်ငံခြားပညာသင်ထွက်ဖြစ်ခဲ့တယ်။

ကျွန်တော်အသက် ၃၁ နှစ်မှာ ဒေါက်တာဘွဲ့ရပါတယ်။ ဒေါက်တာဘွဲ့ရပြီးတဲ့နောက် ထောက်ထားစရာမျက် နှာတွေက များလွန်းတော့ မထွက်ဖြစ်ဘဲအတော်ကြာကြာ ရဟန်းဘ၀နဲ့နေခဲ့ပါသေးတယ်။ အခုတော့ ပါရမီ တကယ်ကုိုကုန်သွားပြီဖြစ်လုို့ ကြိတ်မှိတ်ပြီးဆက်မနေသင့်တော့ဘူးလုို့ ကျွန်တော်ကုိုယ်ရောစိတ်ရော နားလည်ပြီး ထွက်လုိုက်ရတာပါ။ လနဲ့ချီအခေါက်ခေါက်အခါခါ စဉ်းစားပြီးတော့မှ ဆုံးဖြတ်လုိုက်တာပါ။ အခုတော့ ကျွန်တော် လူပြန်တော်ဖြစ်သွားပါပြီ။ ကျေးဇူးရှင်ရဟန်းဒကာမကြီး မိသားစုတွေအနေနဲ့ ကျွန်တော့်အဖြစ်ကုို သိရတဲ့အချိန်မှာ အတော်ပဲအံ့သြမိသလုို အတော်လဲ ၀မ်းနည်းကြမယ်ဆုိုတာကုို ခန့်မှန်းမိပါတယ်။ သုို့ပေမယ့် ကျွန်တော်အထက်မှာ ရှင်းခဲ့သလုို မနေနုိုင်တော့ဘဲ ကြိတ်မှိတ်နေပြီး အပြစ်
တွေလွန်ကျူးနေတာထက် လူထွက်ပြီးလူ့ဝတ်ကြောင်ဘ၀နဲ့ ငါးပါးသီလစောင့်ထိန်းနေတာက ပုိုအကျိုး များမယ်ဆုိုတာကုို တွက်ဆပြီး ကျွန်တော့်ကုို နားလည်ပေးနုိုင်ကြလိမ့် မယ်လုို့ မျှော်လင့်မိပါတယ်။

မြန်မာလား၊ ဗမာလားနဲ့ တိုင်းရင်းသား ပြဿနာ
ငြိမ်းချမ်းအေး
(ဧရာဝတီမှ)
ရွေးကောက်ပွဲ ကော်မရှင်က အမျိုးသားဒီမိုကရေစီ အဖွဲ့ချုပ် (NLD) ကို သတိပေးတဲ့ သတင်းနဲ့အတူ အခုဖြစ်ပေါ်နေတဲ့ နိုင်ငံအခေါ်အဝေါ် ဝေါဟာရ အငြင်းပွားမှုမှာ နိုင်ငံရေးသဘော အဓိက အလေးနက်ထား စဥ်းစားရမယ့် အချက်က တိုင်းပြည်မှာ ဆယ်စုနှစ်များစွာ စွဲကပ်နေတဲ့ တိုင်းရင်းသား ပြဿနာနဲ့ သက်ဆိုင်တယ်။ အကြောင်းက နိုင်ငံကို ခေါ်ဝေါ် ညွှန်းဆိုတဲ့ အင်္ဂလိပ် မြန်မာ မူကွဲနှစ်မျိုးစလုံး၊ “မြန်မာ (Myanmar) နဲ့ ဗမာ (Burma)” ဟာ နိုင်ငံမှာ ရှေး ဓားမဦးချ အခြေချ မှီတင်းနေထိုင်နေတဲ့၊ မြန်မာ မဟုတ်တဲ့ တခြား တိုင်းရင်းသား လူမျိုးစုအားလုံးကို ကိုယ်စားပြု ဖောေ်ဆာင်နိုင်မှု အားနည်းနေလို့ဖြစ်တယ်။

လွတ်လပ်ရေးခေတ်ဦး ပါလီမန် ဒီမိုကရေစီခေတ်၊ စစ်တပ်ကြီးစိုးတဲ့ တော်လှန်ရေးကောင်စီ၊ မဆလ တပါတီ အာဏာရှင် ခေတ်တွေမှာ ခေါ်ဝေါ်ခဲ့တဲ့ နိုင်ငံနာမည် မြန်မာလို “မြန်မာ” အင်္ဂလိပ်လို “Burma” နဲ့ နဝတ၊ နအဖ စစ်အစိုးရခေတ် လက်ရှိအချိန်အထိ ကျင့်သုံးတဲ့ မြန်မာလို “မြန်မာ”၊ အင်္ဂလိပ်လို “Myanmar” နှစ်ခုစလုံးဟာ နိုင်ငံမှာရှိတဲ့ မြန်မာလူမျိုး တမျိုးတည်း ကိုသာ အဓိက ညွှန်းဆိုနိုင်တဲ့အတွက် ပဒေသရာဇ် ခေတ်လို အင်အားကြီး၊ အရေအတွက်များသူ ဦးဆောင် ချယ်လှယ်စတမ်း လူမျိုးကြီးဝါဒ သဘော၊ တိုင်းပြည်ကို မြန်မာလူမျိုး တစုတည်းကသာ ပိုင်သလို ဖြစ်နေလို့ ဖြစ်တယ်။

မူကွဲ နှစ်ခုစလုံးရဲ့ နိုင်ငံနာမည် မြန်မာလိုအခါ် “မြန်မာ” ဟာ မြန်မာ မဟုတ်တဲ့ တိုင်းရင်းသား အားလုံးနဲ့ သမိုင်း အစဉ်အဆက် ဘယ်လိုမှ ဆက်နွှယ်မှု မရှိခဲ့ဘူး။ ဗြိတိသျှ ကိုလိုနီ မဖြစ်ခင်အထိ နိုင်ငံနယ်နိမိတ် အတွင်း နေထိုင်နေတဲ့ မြန်မာ အပါအဝင် တိုင်းရင်းသား တွေဟာ အပြန်အလှန် ပဒေသရာဇ်ခေတ် အင်ပါယာ ချဲ့ထွင်မှုသဘောအရ အတူယှဉ်တွဲနေထိုင်ရတဲ့ ကာလတွေ ရှိသော်ငြားလည်း တကယ့် သဘောအနေနဲ့က သီးသန့် ပဒေသရာဇ် နိုင်ငံလေးများ အသွင်၊ ကိုယ့်ထီး ကိုယ့်နန်း နဲ့ နေခဲ့ကြတဲ့ အတွက် “မြန်မာနိုင်ငံ” ဆိုတဲ့ အခေါ်ဟာ တခြား တိုင်းရင်းသား အားလုံးနဲ့ ပတ်သက်စရာ အကြောင်းလည်း မရှိဘူး။ ဥပမာ -ပဒေသရာဇ်ခေတ် တလျှောက် မြန်မာက အင်အားသာတဲ့ အချိန်မှာ မွန်နိုင်ငံဟာ မြန်မာနိုင်ငံ လက်အောက်မှာ ရောက်နေပြီး မွန်အင်အားသာတဲ့ အခါမှာ မြန်မာနိုင်ငံဟာ မွန်နိုင်ငံလက်အောက်မှာ ရောက်နေခြင်း သဘောဖြစ်တယ်။

မြန်မာစကား အရေးနဲ့အပြော နှစ်ခုစလုံးမှာ မြန်မာလူမျိုးကို ခေါ်တဲ့ အခေါ်အဝေါ်ဟာ “မြန်မာ” နဲ့ “ဗမာ” ဆိုပြီး နှစ်မျိုးစလုံး ရော ရောနေတယ်။ ယေဘုယျ အားဖြင့် “မြန်မာ” ကို အရေးမှာ သုံးလေ့ရှိပြီး အပြောမှာတော့ “ဗမာ” လို့ သုံးကြတယ်။ ဒါဟာ တခြားသော အရှေ့တောင်အာရှ နိုင်ငံတွေရဲ့ ဘာသာစကား များမှာလည်း တွေ့နိုင်တဲ့ အရေးနဲ့ အဖတ် အဓိပ္ပာယ်တူ စကားလုံးတချို့ ကွဲနေခြင်း ဖြစ်တယ်။ မြန်မာ စာပေ ပေါ်ထွန်းချိန်ကစပြီး လူမျိုးအခေါ် “မြန်မာ” “ဗမာ” အသုံးဟာ ရောထွေးနေတယ်၊ နှစ်မျိုးစလုံးကို လူမျိုးအမည်နဲ့ သုံးတဲ့ အထောက်အထားတွေ ရှိခဲ့တယ်။ သို့သော် “မြန်မာ” က မူလ ဖြစ်တယ်။

ခုအခေါ် မြန်မာ (ဗမာ) ဖြစ်လာမယ့် သူတွေဟာ လက်ရှိနိုင်ငံ နယ်နိမိတ် အရှေ့ဘက် တောင်ပေါ်ဒေသကနေ အလယ်ပိုင်း မြေပြန့်ကို ၉ ရာစုမှာ ဝင်တယ်၊ ပုဂံမှာ အခြေပြုတယ်။ သူတို့ကို မြေပြန့်မှာ ရှေးဦး ရှိနေပြီး ဖြစ်တဲ့ မွန်တွေက “မရမာ၊ မိုင်းရ်မာ” (Mirma/Mranma) လို့ ခေါ်တယ်။ ဒီအချက် ကို လက်ရှိအချိန်အထိ ကျန်ရှိနေသေးတဲ့ အထဲမှ ရှေးအကျဆုံး မွန်ဘာသာနဲ့ ရေးထားတဲ့ မွန်ကျောက်စာ (၁၁၀၂) မှာ တွေ့နိုင်တယ်။ ရှေး မြန်မာတွေ အလယ်ပိုင်းကို အခြေချ နေထိုင်ပြီးနောက် ပျူ၊ မွန်ေတွ ဆီကတဆင့် အိန္ဒိယ အက္ခရာကို အခြေခံတဲ့ စာပေကို ရလို့ သူတို့ကိုယ်တိုင် မှတ်တမ်းတွေ ရေးလာ နိုင်ရာမှာလည်း သူတို့လူမျိုးနာမည်ကို မွန်တွေ ခေါ်တဲ့နာမည်အတိုင်းပဲ သုံးတယ်။ ဒါကို လက်ရှိ ရှာဖွေတွေ့ရှိလို့ရတဲ့ အထဲက နာမည် အခေါ်နဲ့ သက်ဆိုင်တဲ့ ရှေးအကျဆုံး မြန်မာဘာသာနဲ့ ရေးထိုးထားတဲ့ မြန်မာကျောက်စာ (၁၁၉၀) မှာ
တွေ့နိုင်တယ်။

နောက်ပိုင်း မြန်မာဘာသာ စကားမှာ “ရ (Ra)” သံ ထည့်ရွတ်တာ ပျောက်ကွယ်သွားတဲ့ အတွက် “မရမာ၊ မိုင်းရ်မာ” (Mirma/Mranma) ကနေ “မြမ္မာ၊ မြန်မာ” (Myanmar) ဆိုပြီး လက်ရှိသိတဲ့ လူမျိုးနာမည် “မြန်မာ” အဖြစ် ပြောင်းသွားတယ်။ (စကားချပ် – မြန်မာ စကားနဲ့ ဘာသဗေဒ သဘောတူတဲ့ ရခိုင်၊ ထားဝယ်နဲ့ ယော လူမျိုးတွေရဲ့ အသုံးမှာ မျက်ေမှာက် ခေတ်အထိ “ရ (Ra )” သံ ထည့်ရွက်နေဆဲဆိုတာ သတိပြုပါ)

ရှေးမြန်မာတွေဟာ ပျူ၊ မွန်၊ အိန္ဒိယ တို့ဆီက ယဉ်ကျေးမှု၊ စာပေ တင်သာမက ကိုးကွယ်ယုံကြည်မှု ဘာသာတရားပါ ရရှိခဲ့တဲ့အတွက် ကိုးကွယ်ယုံကြည်မှုနဲ့ ဆက်နွှယ်တဲ့ “ဗြဟ္မာ” က ဆင်းသက်တဲ့ သဘော “ဗြဟ္မာ” လူမျိုး၊ တဆင့် “ဗမာ” လူမျိုး ဆိုပြီး လူမျိုး နာမည် အသစ် မူကွဲ တမျိုးအနေနဲ့လည်း ထပ်ပေါ်လာတယ်။ ဘယ်လိုပဲဖြစ်ဖြစ် လောလောဆယ် တွေ့ရှိရတဲ့ သမိုင်း
ကျောက်စာ အထောက်အထား၊ သုတေသန အရ စဝင်လာခဲ့တဲ့ အချိန်မှာ သူတို့ကို အထက်မှာ ဆိုခဲ့သလို “မြန်မာ” လို့သာ ခေါ်တဲ့အတွက် လူမျိုးနာမည် အနေနဲ့ “မြန်မာ” က မူလ၊ “ဗမာ” က ဆင့်ပွားဖြစ်တယ်ဆိုတာ ထင်ရှားတယ်။

ရှေးမြန်မာတွေ မြေပြန့်ကို စဝင်လာတဲ့အချိန်မှာ နိုင်ငံမရှိသေးဘူး ဆိုတာကို သတိပြုစေချင်တယ်။
နောက်ပိုင်း အင်အား ကြီးမားလာပြီး ပုဂံ ပဒေသရာဇ် လက်နက် နိုင်ငံတော် အင်ပါယာကို ချဲ့ထွင်ရင်းနဲ့ ပုဂံလက်နက် နိုင်ငံတော်ကြီး၊ တနည်း အားဖြင့် ပထမ မြန်မာနိုင်ငံတော် ပေါ်လာတယ်။

ကျန်ရှိနေသေးတဲ့ ကျောက်စာ မှတ်တမ်းတွေအရ နိုင်ငံကို “မြန်မာပြည်” လို့ တိုက်ရိုက်တပ်ခေါ်တာကို နရပတိစည်သူ/ ဒုတိယ စည်သူ (၁၁၆၅-၁၂၁၁) ရဲ့ မြေး၊ ဇေယျသိင်္ခ ခေါ် နားတောင်းများမင်း (ထီးလိုမင်းလိုမင်း) ရဲ့သား၊ ကျစွာမင်း (၁၂၃၄-၁၂၅၀) လက်ထက်က မြန်မာဘာသာနဲ့ ရေးထိုးတဲ့ ကျောက်စာ မှတ်တမ်း (တွဲလျက် ဓာတ်ပုံပါ) မှာ အထင်အရှား
တွေ့နိုင်တယ်။

နောက်ပိုင်း ခေတ်တွေမှာလည်း နိုင်ငံနာမည်ကို ဒီသဘောမျိုးပဲ ခေါ်ခဲ့တယ်။ ဥပမာ – ကုန်းဘောင်မင်းဆက် မင်းတုန်းမင်း (၁၈၀၈-၁၈၇၈) က သူဟာ မြန်မာလူမျိုးတို့ရဲ့ ဘုရင်ဆိုပြီး ညွှန်းဆိုခဲ့တယ်။ ဒါပေမယ့် သူ့မင်းဆက် မြန်မာကုန်းဘောင် အင်ပါယာဟာ မြန်မာလူမျိုး တမျိုးတည်း နေထိုင်တဲ့ နေရာတွေထက် ကျော်လွန်ပြီးဖြစ်တဲ့ အတွက် ဒီအခေါ်ဟာ တခြား တိုင်းရင်းသား လူမျိုးစုတွေရဲ့ အခွင့်အရေးကို ထိခိုက်တဲ့ မြန်မာလူမျိုးကြီးဝါဒ သဘော ပဒေသရာဇ်အခေါ် သက်သက်သာ ဖြစ်တယ်။ အဲဒီခေတ်အခြေအနေ၊ စနစ်နဲ့ အတွေးအခေါ် အရ နိုင်ငံနာမည်ကို လူအများစု အခြေပြုတဲ့ “မြန်မာ” ဆိုပြီး တပ်ခေါ်ခဲ့ ခြင်းဟာ မျက်မှောက်ခေတ်လို တိုင်းရင်းသား လူမျိုးစုအားလုံး မူရင်း ရရှိခဲ့တဲ့ အခွင့်အရေးတွေ အတိုင်း တန်းတူ သာတူညီမျှ ဖြစ်အောင် ကြိုးစားနေတဲ့ အချိန်မှာ လုံးလုံး မသင့်လျော်တော့ပါ။

ဒါကြောင့် ဌာနေတိုင်းရင်းသား အားလုံးဖြစ်တဲ့၊ မွန်၊ မြန်မာ၊ ရခိုင်၊ ရှမ်း၊ ပအို့ဝ်၊ ကရင်၊ ကချင်၊ ချင်း အစရှိတဲ့ သူတွေနဲ့ နိုင်ငံခြားကနေ လာရောက် အခြေချနေထိုင်သူ တရုတ်၊ အိန္ဒိယ စတဲ့ လူမျိုးစုံ ပူးပေါင်းပါဝင်ခဲ့တဲ့ ကိုလိုနီကျွန်ဘဝ လွတ်ေမြာက်ေရး ကြိုးပမ်းမှုခေတ်မှာ သခင်ဘသောင်း (၁၉၀၂-၁၉၈၀) ဦးဆောင်တဲ့ လူမျိုးစုံ ပါဝင်တဲ့ သခင်ကြီးတွေရဲ့ “ဒို့ဗမာ အစည်းအရုံးကြီး” က တနိုင်လုံးမှာ ရှိတဲ့ လူမျိုးအသီးသီးရဲ့ အမျိုးသားရေးစိတ် နိုးကြားလာစေဖို့ နှိုးဆော်ရာမှာ ဒီနိုင်ငံဟာ “မြန်မာ” နိုင်ငံမဟုတ်၊ “မြန်မာ” တမျိုးတည်း မပိုင်၊ “မြန်မာ” အပါအဝင် တိုင်းရင်းသား အားလုံးနဲ့ လူနည်းစု လူမျိုးစုများ ပိုင်တဲ့ နိုင်ငံဖြစ်တဲ့ အတွက် “ဗမာ” နိုင်ငံ လို့သာ ခေါ်ဆိုရမယ် ဆိုပြီး “ဒို့ဗမာအစည်းအရုံး ကြေညာစာတမ်း” မှာ အတိအလင်း ရေးသား ဖော်ပြခဲ့တယ်။

အဖွဲ့အစည်း နာမည်ကိုလည်း အားလုံးကို ကိုယ်စားပြုနိုင်တဲ့ သဘော “ဒို့ဗမာ အစည်းအရုံး” လို့သာ ပေးခဲ့ပြီး “ဒို့မြန်မာ အစည်းအရုံး” လို့ မခေါ်တွင်စေခဲ့ဘူး။ ဒါဟာ မြန်မာအပါဝင် တခြား လူမျိုးစုတွေ မှီတင်းနေထိုင်နေတဲ့ နိုင်ငံရဲ့ နာမည်ကို သမိုင်းအထောက်အထားနဲ့ ဘာသာဗေဒ သဘောအရလည်း ဆီလျော်ပြီး မြန်မာ လူမျိုးနာမည် အစမူလ ဖြစ်တဲ့ “မြန်မာ” ကို မသုံးဘဲ ဆင့်ပွားမူ “ဗမာ” ကိုသာ “ဒို့ဗမာအစည်းအရုံးကြီး” က သုံးဖို့ ညွှန်းဆိုခဲ့ခြင်း၊ တကယ် သုံးခဲ့ခြင်းဟာ မြန်မာ မဟုတ်တဲ့ အခြားလူမျိုးစုများ အတွက်လည်း ခေတ်အခြေအနေအရ ကျေနပ်လက်ခံစရာ ဖြစ်ခဲ့ရတယ်။ “ဒို့ဗမာ အစည်းအရုံး” က မွေးထုတ်လိုက်တဲ့ အမည်နာမကို သုံးတယ်။ ဂျပန်ခေတ် နိုင်ငံရဲ့ တရားဝင် နာမည်ဟာ “ဗမာနိုင်ငံတော်” ဖြစ်ခဲ့တယ်။

တကယ် ဗြိတိသျှ ကိုလိုနီ ဘဝကနေ လွတ်မြောက်လာပြီး အပြည့်အဝ လွတ်လပ်ရေး ယူတဲ့ အချိန်မှာတော့ “ဒို့ဗမာ အစည်းအရုံး” ခေတ်က တည်ဆောက်ထားနိုင်ခဲ့တဲ့ မြန်မာနဲ့ တခြား တိုင်းရင်းသားတွေရဲ့ စည်းလုံးညီညွတ်၊ သာတူညီမျှ၊ ဥမကွဲ သိုက်မပျက် စိတ်ဓာတ်နဲ့ အနှစ်သဘောတွေဟာ နယ်ချဲ့ရဲ့ သွေးထိုးမှု၊ ဘက်နှစ်ဘက် စလုံးရဲ့ လူမျိုးရေး သူငယ်နာ မစင်မှုနဲ့ နိုင်ငံရေး သဘောတွေကြောင့် မှေးမှိန်လာခဲ့တယ်။ လွတ်လပ်တဲ့ နိုင်ငံရဲ့ အခြေခံ အုတ်မြစ်ဖြစ်တဲ့ ပထမဆုံး ဖွဲ့စည်း အုပ်ချုပ်ပုံ အခြေခံဥပဒေ (၁၉၄၇) မှာ ကိုက ပြည်ထောင်စု စစ်စစ် မူ မျှတတဲ့ ပြည်နယ်၊ အာဏာ၊ ခွဲဝေမှု အုပ်ချုပ်ေရး သဘော နဲ့ အကြိုသဘော တူညီထားခဲ့တဲ့ ပင်လုံ ကတိကဝတ် တွေကို အပြည့်အဝ မဖော်ဆောင်နိုင် ဖြစ်ခဲ့ရပြီး ရှေးယခင် ပဒေသရာဇ် ခေတ်မှာက တည်းက အပြန်အလှန် အင်ပါယာ ချဲ့ထွင်မှုကြောင့် အရင်းတည်ခဲ့တဲ့ လူမျိုးစုချင်း မယုံကြည်နိုင်မှု သံသယနဲ့ အမုန်းဟာ ပြန်လည် အသက်ဝင် လာခဲ့တယ်။ (စကားချပ် – အပြန်အလှန် ဆိုတဲ့ သဘောဟာ မွန်နဲ့ မြန်မာကြားသာ ဖြစ်တယ်၊ မြန်မာနဲ့ တခြား လူမျိုးစုများကြားမှာက များသောအားဖြင့် မြန်မာကသာ အင်အားကြီးတဲ့ အချိန်တွေမှာ လူမျိုးစု ဒေသ ပဒေသရာဇ် မြို့ပြ နိုင်ငံငယ်တွေကို နယ်ချဲ့ပြီး အပြည့်အဝ သွားသိမ်းတယ်၊ ဒါမှမဟုတ် သြဇာခံ ပဏ္ဍာဆက် ခိုင်းတယ်၊ ဥပမာ – ရခိုင်နိုင်ငံ၊ ရှမ်းပြည်လို့ ခေါ်တဲ့ မောသျှမ်းနိုင်ငံ)

လွတ်လပ်ရေး ရရချင်းမှာ မြန်မာ အများစုနဲ့ ဖွဲ့စည်းထားတဲ့ အစိုးရနဲ့ တချို့ လူမျိုးစုတွေနဲ့လည်း စတင်ပြီး ပြည်တွင်းစစ်ပွဲ ဖြစ်ခဲ့တယ်။ ဥပမာ – ကရင်နဲ့။ ကရင်နဲ့က ဒုတိယကမ္ဘာစစ်အတွင်း ပထမအကြိမ် အင်္ဂလိပ် အဆုတ်မှာ ကတည်းက လူမျိုးရေး ပဋိပက္ခတွေ ရှိခဲ့တယ်။ တကယ် လွတ်လပ်ရေးရတဲ့ အချိန်မှာတော့ နှစ်ဘက် စလုံး လူမျိုးရေး အမြင်ကျဉ်းမြောင်း မှုတွေအပြင် အထက်က ဆိုခဲ့တဲ့ ပြည်ေထာင်စု စစ်စစ် မတည်ထောင်နိုင်ခြင်း သဘောတွေကြောင့် စစ်ပွဲ အသွင်အထိ ဖြစ်ခဲ့ရတယ်။ ဒီလို လွတ်လပ်ရေး ခေတ်ဦး ဝါဒရေးရာ စစ်ပွဲ၊ နိုင်ငံရေး၊ လူမျိုးရေးရာ သဘောဆောင်တဲ့ စစ်ပွဲတွေကြောင့် “တိုင်းပြည်ကနုနု မုန်တိုင်းကထန်ထန်” ဖြစ်နေတဲ့ကာလ၊ မြန်မာနဲ့ တခြား တိုင်းရင်းသားတွေအကြား နိုင်ငံရေး သဘောတူညီမှု အတွက် အပြည့်အဝ ညှိမရသေးတဲ့ အချိန်မှာ လူမျိုးကြီး ဝါဒ သဘောဆောင်တဲ့၊ အများစု မြန်မာတွေကိုသာ ကိုယ်စားပြုတဲ့ နိုင်ငံနာမည် “မြန်မာ” ဟာလည်း ပြန်လည် အသက်ဝင် လာခဲ့တယ်။

လွတ်လပ်တဲ့ နိုင်ငံရဲ့ ခေတ်ဦး ပါလီမန်ဒီမိုကရေစီ အစိုးရမှာ တိုင်းရင်းသားတွေလည်း အထိုက်အလျောက် နေရာရခဲ့တယ်။ အခြေခံဥပဒေ အရ နိုင်ငံ့အုပ်ချုပ်ေရးမှာ အာဏာ မရှိတဲ့ သမ္မတ ရာထူးတွေဟာ တိုင်းရင်းသားတွေချည်း ရခဲ့တယ်။ တိုင်းရင်းသား အခွင့်အရေးကို လေးစား တယ်လို့ ဆိုနိုင်ပေမယ့် အထက်မှာ ဆိုခဲ့သလို ရှုပ်ထွေးနေတဲ့ မွေးကင်းစ တိုင်းပြည်မှာ ပြည်ထောင်စု စစ်စစ် ပင်လုံ အနှစ်သာရဟာ အပြည့်အဝ မဖော်ဆောင်နိုင် ခဲ့တဲ့အပြင် လူမျိုးကြီးဝါဒ သဘောဆောင်တဲ့ တိုင်းရင်းသား လူမျိုးစုရဲ့ အာဏာနဲ့ လုပ်ပိုင်ခွင့်ကို ဝင်ရောက်ချယ်လှယ်တာ၊ တိုင်းပြည်ရဲ့ အရင်းအမြစ်တွေကို မျှမျှတတ မခွဲဝေတဲ့ သဘောတွေဟာ တဖြည်းဖြည်းနဲ့ အခြေ တည်လာခဲ့တယ်။ မြန်မာလူမျိုးကြီး ဝါဒဟာ ခေတ်ဦး ပါလီမန် ဒီမိုကရေစီ စနစ်မှာ အဓိက မကျင့်သုံး၊ မရှင်သန်ခဲပေ့မယ့် အာဏာရပါတီရဲ့ စစ်တပ်နဲ့ နီးစပ်တဲ့ အစိတ်အပိုင်း တချို့မှာတော့ အဲဒီ သဘောနဲ့ အတွေးအခေါ် တွေကို စတင်တွေ့ခဲ့ရတယ်။

တိုင်းပြည်ကို ချောက်ထဲ လုံးလုံး ကျစေခဲ့တဲ့ စစ်အာဏာရှင်စနစ် စတင်ကျင့်သုံးတဲ့ ကာလမှာတော့ စစ်အာဏာရှင် အဆက်ဆက်ဟာ လူအများစု ထောက်ခံမှုကို ရနိုင်ဖို့အတွက် အမျိုးသားရေး စိတ်ဓာတ်ကို အလွဲသုံးစားလုပ်ပြီး လူမျိုးကြီးဝါဒ အတွေးအခေါ်၊ သဘောတရား တွေကို စိတ်ကြိုက် ဖန်တီးထားတဲ့ စာပေ၊ ရုပ်ရှင်၊ သမိုင်း၊ ပညာရေးစနစ် စတဲ့ လူထု ဝါဒဖြန့်ချိရေး ကြားခံတွေမှာ အကြီးအကျယ် သွတ်သွင်းခဲ့တယ်။ ဒါကြောင့် တိုင်းရင်းသား ပြဿနာ ပိုမို အမြစ်တွယ်ပြီး ဖြေရှင်း မရ ဖြစ်ခဲ့မှုနဲ့ အတူ အကျိုးဆက် များစွာထဲက တခုကတော့ နိုင်ငံနဲ့ အများစု ရှိတဲ့ လူမျိုးရဲ့ နာမည် ဟာ မူရင်းနဲ့ ပြောင်းပြန် ဖြစ်ခဲ့ရတယ်။

နိုင်ငံကို “မြန်မာ”၊ လူမျိုးကို “ဗမာ” ဆိုပြီး နိုင်ငံကို “မြန်မာ” လူမျိူးသာ သီးသန့် ကိုယ်စားပြုတဲ့ နာမည် သုံးသလို၊ လူမျိုး နာမည်ကိုလည်း ဒုတိယမူကွဲ “ဗမာ” အဖြစ်သတ်မှတ်ခြင်းဖြင့် အမှန်တရားဟာ ပြောင်းပြန်လုပ်၊ လူမျိုးကြီး ဝါဒ ဇာတ်သွင်းခြင်း ခံခဲ့ရတယ်။ ဒါဟာ နိုင်ငံနာမည်နဲ့ လူမျိုးနာမည် မြန်မာလို အခေါ်ရဲ့ “အမှန်” “အမှား” သမိုင်းမှန်ပဲ ဖြစ်တယ်။

နိုင်ငံနာမည် အင်္ဂလိပ်လို အခေါ်ကို “Burma” ကနေ “Myanmar” လို့ ပြောင်းတာကတော့ ၁၉၈၉ နဝတ စစ်အစိုးရခေတ်မှာ ဖြစ်ခဲ့တယ်။ ရှစ်ေလးလုံး အရေးတော်ပုံကြီး အတွင်း ရှေ့တန်းက ဦးဆောင်ခဲ့တဲ့ ကျောင်းသားတွေ အကြား အဖွဲ့ တည်ထောင်မှု အကွဲ (ဗကသ/ မကသ အကွဲ) ကို ပိုမို သပ်လျှို သွေးထိုးလိုစိတ်နဲ့ အာဏာရှင်ဟောင်း ဦးနေဝင်း အမွေခံ ဗိုလ်ချုပ်ကြီးခင်ညွန့်က ပညာရှင်တွေ ပါတဲ့ ကော်မရှင် တခုဖွဲ့ပြီး ဇွတ်အတင်း ပြောင်းစေခဲ့တယ်။

ကော်မရှင်က နိုင်ငံ နာမည်ကို အင်္ဂလိပ်လို “Myanmar” လို့သာ ခေါ်သင့်ကြောင်း အခြေအမြစ်မရှိ၊ မခိုင်လုံတဲ့ အကြောင်းပြချက် ၃ ချက် ပေးခဲ့တယ်။ အဲဒီအထဲက မခိုင်လုံဆုံး အချက်ကတော့ မြန်မာလို နိုင်ငံနာမည် “မြန်မာ” ဟာ တိုင်းရင်းသား အားလုံးကို ကိုယ်စားပြုတယ်၊ ဒါကြောင့် အင်္ဂလိပ်လို မှာလည်း မြန်မာ အသံထွက်ကို တိုက်ရိုက် အင်္ဂလိပ် စာလုံး ပေါင်းတဲ့ “Myanmar” လို့ သုံးမယ်ဆိုတဲ့ အချက်ဖြစ်တယ်။ အဲဒီ အချက်ဟာ အထက်မှာ ရှင်းပြခဲ့တဲ့ မြန်မာလို “မြန်မာ” ရဲ့ အဓိပ္ပာယ်ဟာ တိုင်းရင်းသား အားလုံးကို ဘယ်လိုနည်းနဲ့မှ ကိုယ်စားမပြုနိုင်တဲ့ အတွက် အင်္ဂလိပ်လို “Myanmar” ဟာလည်း တိုင်းရင်းသားအားလုံးကို ညွှန်းဆိုနိုင်စရာ အကြောင်းမရှိပါ။

အစဉ်အဆက် နိုင်ငံနာမည်ကို “Burma” လို့ပဲ သုံးစွဲလာခဲ့တယ်။ ဗမာနိုင်ငံသား အားလုံးပါဝင်တဲ့ အဖွဲ့အစည်း တွေကိုလည်း အင်္ဂလိပ်လို “Burma” လို့ပဲ တပ်ခဲ့တယ်။ ဥပမာ – BIA၊ BDA သာဖြစ်တယ်၊ MIA၊ MDA မဟုတ်ပါ။ စစ်အစိုးရ တည်ထောင် ခဲ့တဲ့ “မဆလ” ပါတီ ကိုယ်တိုင်လည်း အင်္ဂလိပ် အမည်ကို “BSPP” ဆိုပြီး “Burma” နာမည် သုံးခဲ့တယ်။

နိုင်ငံနာမည် အင်္ဂလိပ်လို “Burma” ဟာ ကိုလိုနီ ဖြစ်ခဲ့ခြင်းက အစပြုခဲ့တယ်။ စကားလုံးရဲ့ မူရင်းနဲ့
ရှေ့ကွင်းဆက် သဘောကတော့ နိုင်ငံခြားတိုင်းပြည်က လူမျိုးတွေနဲ့ စတင်ထိစပ်တဲ့ အချိန်တွေ ကတည်းက ဖြစ်တယ်။ အိန္ဒိယမှာရှိတဲ့ လူမျိုးတွေက မြန်မာ ဗမာတွေကို ဗရမာ၊ ဗြဟ္မာ၊ စာကို ဘာရမီလို့ ခေါ်ကြတယ်။ ဒါဟာ မြန်မာ (ဗမာ) တွေ မိမိကိုယ်ကိုယ် ညွှန်းဆိုတဲ့ စကား (စာပေ မဟုတ်) အရ သူတို့နဲ့ နီးစပ်တဲ့ အသံထွက်နဲ့ ခေါ်ဆိုခြင်း ဖြစ်နိုင်သလို၊ ဗြဟ္မာ အယူအဆကို လက်ခံတဲ့ လူမျိုးတွေလို့ ညွှန်းဆို ခေါ်ဝေါ်ခြင်းလည်း ဖြစ်နိုင်တယ်။ ဒီ အိန္ဒိယ အခေါ်ကို ၁၆၊ ၁၇ ရာစုလောက်မှာ ပူတကေ (ပေါ်တူဂီ) လူမျိုးတွေက မွေးစားပြီး မြန်မာ (ဗမာ) တွေကို သူတို့ အသံထွက်နဲ့ ဘာမင်နီယား (Birmania) လို့ ခေါ်တယ်။ ဒီအခေါ်ကိုပဲ အင်္ဂလိပ်ေတွက (၁၈) ရာစု လောက်မှာ ထပ်မံမွေးစားပြီး မြန်မာ (ဗမာ) တွေ နေထိုင်တဲ့ နေရာဟာ ဘားမား (Burma) ဖြစ်လာတယ်။

ကနဦး အင်္ဂလိပ်စာလုံးပေါင်းမှာ “Burma” ဆိုတာအပြင် မူကွဲတွေ အမျိုးမျိုး ရှိခဲ့တယ်။ ဥပမာ – Bermah, Birmah, Brama, Burmah။ နောက်ပိုင်းကျမှ လူမျိုးနာမည် “Burma” က အတည်ဖြစ်ပြီး ကိုလိုနီ ဖြစ်တဲ့ အချိန်မှာလည်း နိုင်ငံနာမည်ပါ “Burma” ဆိုပြီး တရားဝင် ရုံးသုံး အခေါ်ဖြစ်လာခဲ့တယ်။ မြန်မာ လူမျိုးကိုတော့ “Burman/ Burmese” ဆိုပြီး သုံးနှုန်းခဲ့တယ်။

ဘယ် နိုင်ငံခြားသား မဆို မြန်မာ (ဗမာ) လူမျိုးတွေကို ခေါ်ရင် သူတို့ကြားရတဲ့ စကားသံ “ဗမာ” ကို သူတို့လျှာနဲ့ နီးစပ်တဲ့ အသံထွက်နဲ့ ခေါ်ဆိုမှာသာဖြစ်တယ်။ ဒါပေမယ့် ဒီနေရာမှာ သူတို့ မဖတ်တတ်တဲ့ စာပေ အရေးအသားမှာ အများစု သုံးတဲ့ “မြန်မာ” ကို အခြေပြုပြီး မခေါ်ဆိုနိုင်တာကို သတိပြုရပါမယ်။ ဒါကြောင့် လူမျိုးခြား အားလုံးက မြန်မာ (ဗမာ) တွေကို ခေါ်တဲ့ နေရာမှာ စကားသံ “ဗမာ” ကိုပဲ အခြေပြု ခေါ်ခဲ့တယ်။ ဥပမာ – ထိုင်းတွေက မြန်မာ (ဗမာ) တွေကို “ဖမ” လို့ခေါ်တယ်။

နိုင်ငံ နာမည် “Burma” ဖြစ်ခဲ့ခြင်း သဘောက ကိုလိုနီ စဖြစ်ခဲ့တဲ့ အချိန်နဲ့ သက်ဆိုင်တယ်။ ကိုလိုနီ စဖြစ်ချိန်မှာ မြန်မာ ကုန်းဘောင် မင်းဆက် လက်နက်နိုင်ငံတော် အင်ပါယာရဲ့ အာဏာဟာ မျက်မှောက်ခေတ် နိုင်ငံ နယ်နိမိတ်မှာရှိတဲ့ နေရာ အများစုလို့ ဆိုနိုင်တဲ့အထိ သက်ရောက်နေပြီ ဖြစ်တယ်။ ရခိုင်နဲ့ မွန် နိုင်ငံတွေဟာ လုံးလုံး မြန်မာကုန်းဘောင်မင်းနိုင်ငံရဲ့ လက်အောက်ကို ရောက် နေပြီဖြစ်တယ်။ ဒီအနေအထားမှာ ဗြိတိသျှ အင်ပါယာနဲ့ မြန်မာကုန်းဘောင်ဘုရင် အင်ပါယာတို့ အင်္ဂလိပ်-မြန်မာ ပထမစစ် (၁၈၂၄-၁၈၂၆) စ ဖြစ်တယ်။ မြန်မာက စစ်ရှုံးလို့ စစ်ပြေငြိမ်းရာမှာ သူတို့ နယ်ချဲ့သိမ်းပိုက် ထားတဲ့ နယ်မြေတချို့ဖြစ်တဲ့ ရခိုင်နဲ့ တနင်္သာရီကို အင်္ဂလိပ်လက်ထဲ လွှဲလိုက်ရတယ်။ အဲဒီမှာ အင်္ဂလိပ်က မြန်မာ (ဗမာ) ထံကနေ ရလိုက်တဲ့ အတွက် အဲဒီ နယ်မြေတွေကို အောက် ဗမာပြည် (Lower Burma) ဆိုပြီး နာမည်ပေးပြီး ဗြိတိသျှ – အိန္ဒိယ လက်အောက်ကို ထည့်လိုက်တယ်။

နောက်ပိုင်း အင်္ဂလိပ်-မြန်မာ နှစ်ကြိမ် စစ်ဆက်ဖြစ်ပြီး အင်္ဂလိပ်က မြန်မာကုန်းဘောင်မင်း နန်းစိုက် တဲ့ နေရာအထိ သိမ်းပြီးတဲ့ အချိန်မှာတော့ ကုန်းဘောင်မင်းဆက် အာဏာစက် ရောက်ခဲ့တဲ့ လက်ရှိ နိုင်ငံနယ်နမိတ် နေရာအများစုကို ဗမာနိုင်ငံ “Burma” ဆိုပြီး သတ်မှတ်တယ်၊ ဗြိတိသျှ အင်ပါယာထဲ ထည့်လိုက်တယ်။ ဒီနေရာမှာ သတိပြုရာမှာက ကုန်းဘောင်မင်းဆက် အာဏာ အပြည့် အဝ မသက်ရောက်ခဲ့တဲ့၊ နေရာတချို့ဖြစ်တဲ့ ရှမ်းပြည်လို နေရာတွေကို အင်္ဂလိပ်က တိုက်ရိုက် ကိုလိုနီအဖြစ် မသိမ်းပိုက်ဘဲ၊ အစောင့်အရှောက်ခံ နယ်မြေ အဖြစ်သတ်မှတ်ပြီး ဒေသခံ ပဒေသရာဇ် စော်ဘွားတွေကို ကိုယ်ပိုင် အုပ်ချုပ်ခွင့် ပေးခဲ့တယ်။

အင်္ဂလိပ်တွေ အနေနဲ့ သူတို့ စစ်ဖြစ်ခဲ့ရတဲ့ လူမျိုး တမျိုးတည်းသာ ဒီနိုင်ငံမှာ မနေထိုင်တဲ့ သဘောကို သိတယ် ဆိုတာ မတူကွဲပြားတဲ့ အုပ်ချုပ်ပုံ စနစ်ေတွ ကျင့်သုံးခဲ့ပြီး ပိုမို သွေးကွဲစေခြင်း က သက်သေပြုတယ်။

ဒါ တနည်းအားဖြင့် အင်္ဂလိပ်တွေသုံးခဲ့တဲ့ “Burma” ဟာ မြန်မာ မဟုတ်တဲ့ တခြား တိုင်းရင်းသား လူမျိုးစုတွေကိုပါ သက်ေရာက်တယ်လို့ ဆိုနိုင်တယ်။ နိုင်ငံအမည် အင်္ဂလိပ်လို “Burma” ဟာ မြန်မာ (ဗမာ) လူမျိုးကိုသာ အခြေခံပြီး ဖြစ်ခဲပေ့မယ့် အထက်ပါ ဆိုခဲ့တဲ့ ကိုလိုနီ ဖြစ်စဉ်သဘောအရ တိုင်းရင်းသားတွေကိုလည်း ကိုယ်စားပြုတယ်လို့ ဆိုချင်ရင် ရတယ်။ သေချာတာကတော့ မြန်မာ (ဗမာ) လူမျိုးတွေရဲ့ အခေါ် မူရင်းနဲ့ အမှန်အခေါ် “မြန်မာ” ကို တိုက်ရိုက် အင်္ဂလိပ် စကားလုံး ဖလှယ် သုံးထားတဲ့ “Myanmar” ထက်တော့ “Burma” က နိုင်ငံမှာ အတူယှဉ်တွဲ နေထိုင်ေနရတဲ့ တခြား မြန်မာ မဟုတ်တဲ့ တိုင်းရင်းသား လူမျိုးစုတွေကို ကိုယ်စားပြုရာ ရောက်တယ်လို့ ဆိုနိုင်တယ်။

ဒါကြောင့် မြန်မာ၊ အင်္ဂလိပ် နိုင်ငံအမည် အခေါ်အဝေါ် နှစ်မျိုးစလုံးရဲ့ မူကွဲ နှစ်ခုမှာ အထက်က တင်ပြခဲ့တဲ့အတိုင်း မြန်မာ လူမျိုးအခေါ် မူရင်း “မြန်မာ” ဖြစ်တယ်ဆိုတဲ့ သမိုင်းအထောက်အထား အချက်အလက်တွေအရ ဖြစ်ဖြစ်၊ ကိုလိုနီ ဖြစ်စဉ် သဘောအရ ဖြစ်ဖြစ်၊ ဒို့ဗမာအစည်းအရုံးကြီးက ချမှတ်ခဲ့တဲ့ ပဒေသရာဇ်ေခတ်စနစ် မြန်မာလူမျိုးကြီးဝါဒ တိုက်ဖျက် စေလိုတဲ့ မူအရပဲ ဖြစ်ဖြစ်၊ နိုင်ငံအမည် ဗမာနိုင်ငံ (Burma) ဆိုတဲ့ နာမည်က နိုင်ငံရဲ့ လူမျိုးစုအားလုံးကို ကိုယ်စားပြုတဲ့၊ သင့်လျော်တဲ့ စကားလုံး ဖြစ်ပါတယ်။

ဒါပေမယ့် အထက်က ဆွေးနွေးတင်ပြချက်မှာ ထောက်ပြခဲ့သလို ဒီ ဗမာနိုင်ငံ (Burma) ဆိုတဲ့ နိုင်ငံအမည် အခေါ်ဟာလည်း မြန်မာ လူမျိုးအပေါ်မှာသာ အခြေပြု ပေါ်လာခဲ့တဲ့အတွက် မြန်မာလူမျိုး တမျိုးတည်းသာ ကိုယ်စားပြုသလို ဖြစ်နေနိုင်သေးတဲ့ အတွက် နောက်ကို တိုင်းပြည်မှာ မြန်မာ မဟုတ်တဲ့ တခြား လူမျိုးစု အသီးသီးရဲ့ ကိုယ်ပိုင်ပြဋ္ဌာန်းခွင့်၊ ကိုယ်ပိုင် အုပ်ချုပ်ခွင့် ပီပီပြင်ပြင် သီးသီးသန့်သန့် ဖောေ်ဆာင်ခွင့်ရတဲ့ ဖယ်ဒရယ် ပြည်ထောင်စု စစ်စစ် ဖောေ်ဆာင်နိုင်တဲ့ အချိန်ကျရင် ဒီ နိုင်ငံ အမည် ဗမာနိုင်ငံ (Burma) ဆိုတဲ့ သဘောကို ပြည်သူလူထု ဆန္ဒ၊ အထူး သဖြင့် လူနည်းစု လူမျိုးစုတွေရဲ့ ဆန္ဒ သဘော တောင်းခံပြီး ပညာရှင်တွေရဲ့ အကြံပြုချက်နဲ့ အညီ ပြုပြင်ပြောင်းလဲဖို့၊ ဒါမှမဟုတ် ထပ်မံ ဖြည့်စွက်ဖို့ လုပ်ေဆာင်ရမှာ ဖြစ်ပါတယ်။

အခု လောလောဆယ် တိုင်းရင်းသားအားလုံးကို ပိုမို ကိုယ်စားပြုနိုင်တဲ့ စကားလုံးတွဲ ထပ်မံ ရှာဖွေဖို့ အခြေအနေ အခွင့်အရေး မရှိခင်မှာ ဒီဝေါဟာရ ပြဿနာဟာ သာမန် ဘာသာဗေဒ သဘော အငြင်းပွားမှုထက် ပိုတဲ့ တိုင်းပြည်ရဲ့ နိုင်ငံရေး ပြဿနာ၊ တိုင်းရင်းသား လူမျိုးစု အချင်းချင်း ဖြစ်နေတဲ့ ပဋိပက္ခနဲ့ တိုက်ရိုက်ပတ်သက် နေတဲ့အတွက် တိုင်းရင်းသား ပြည်သူ အားလုံး၊ အထူးသဖြင့် သမိုင်းကို သေသေချာချာ မလေ့လာ မသင်ကြားခဲ့ရတဲ့ မျိုးဆက်သစ်လူငယ်တွေ အတွက် သမိုင်းဆိုင်ရာ အချက်အလက်၊ ဘာသာဗေဒနဲ့ ဝေါဟာရဆိုင်ရာ အယူအဆ ဖြစ်ပေါ်တိုး တက်လာမှုကို သိရှိနားလည်စေလိုတဲ့ ရည်ရွယ်ချက် စေတနာနဲ့ ဒီဆောင်းပါးကို ရေးပါတယ်လို့ နိဂုံးချုပ် ပြောချင်ပါတယ်။

ရည်ညွှန်း။ ။
•Hall, DGE, “Pre-Pagan Burma”, (3rd Edition), (1960).
•Ammon, Ulrich, “Sociolinguistics: An International Handbook of the Science of Language and Society”, Volume 3/3, (2nd Edition), (2004).
•Houtman, Gustaaf, “Mental culture in Burmese crisis politics”, ILCAA Study of Languages and Cultures of Asia and Africa Monograph Series No. 33, Institute for the Study of Languages and Cultures of Asia and Africa, (1999).
•Dittmer, Lowell, “Burma Or Myanmar? The Struggle for National Identity”, World Scientific, (2010).
•Thant Myint-U, “The River of Lost Footsteps–Histories of Burma”, (2006).
•Thant Myint-U, “The Making of Modern Burma”, (2001).
•Ma Thanegi, “Defiled on the Ayeyarwaddy: One Woman’s Mid-Life Travel Adventures on Myanmar’s Great River”, (2011).
•တင်မောင်သန်း၊ “သခင်နိုင်ငံတော်”၊ (၂၀၀၂).

·

ဗမာနဲ့မြန်မာ ဘာကုိုယူမလဲ

(မုိုးမခမှ တူမောင်ညိုရဲ့ ဆောင်းပါးကုို ကူးယူဖော်ပြထားခြင်းဖြစ်ပါသည်။)

မြန်မာ ဆိုတာ လူမျိူးရဲ့နာမည်

ဒေါက်တာသန်းထွန်း- မြန်မာသမိုင်းရှာတော်ပုံ စာအုပ် စာမျက်နှာ (၁၀၃- ၁၀၄) တွင် ယခုလိုဖေါ်ပြထားပါသည်။

“မြန်မာလို့ခေါ်ရင်အစပထမလူမျိုးကိုပဲခေါ်တာဖြစ်တယ်။ နောက်တစ်နေရာ တစ်နေရာတည်းမှာပဲ မြန်မာတွေအနေကြာတော့ သူတို့နေတဲ့ နေရာကိုပါ မြန်မာစု၊ မြန်မာရွာ၊ မြန်မာပြည်လို့ခေါ်တယ်၊ မွန်ကျောက်စာ (ခရစ် ၁၁၀၂ ) ထဲမှာ မြန်မာ ကို မိရ်မာ(မွန်ကျောက်စာ ၉ခ/၄၂၊ဒီ ၂၄၊ အိပ်ခ်ျ ၁၂) လို့ရေးထားတာတွေ့ရတယ်။ ထိလိုင်မင် (၁၀၈၄ – ၁၁၁၃) လက်ထက် နန်းသစ် ဆောက်တဲ့ အခါ မွန်၊ ပျူနဲ့ မိရ်မာ လက်သမားတွေပါတယ်လို့ ဆိုပါတယ်။ အဲဒါ မြန်မာနိုင်ငံရဲ့ကျောက်စာတွေထဲမှာ အစောဆုံးတွေ့ရတဲ့ မြန်မာ အကြောင်းပဲဖြစ်ပါတယ်”

“မြမ္မာ” လို့ရေးတာလည်းတွေ့ရတယ်လို့ဆိုပါတယ်။

ဒီတော့ “မြန်မာ” ဆိုတာ မြန်မာလူမျိုးရဲ့မူလနာမည်ပဲ။ တိုင်းပြည်နာမည် မဟုတ်ပါ။

ဗမာနိုင်ငံ၊မြန်မာလူမျိုး

တို့ဗမာအစည်းအရုံးသမိုင်း (ပထမတွဲ)၊ အခန်း ၇၊  စာမျက်နှာ (၂၁၃-၂၁၇)တွင် ယခုကဲ့သို့ဖေါ်ပြထားပါသည်။

            တို့ဗမာ အစည်းအရုံးသည် မူလတည်ထောင်စဉ်မှစ၍ သမိုင်းတလျှောက်လုံး လူမျိုးစုအားလုံး၏ ညီညွတ်ရေးကို အလေး ပေးခဲ့ကြောင်း၊ “တို့” ဟူသောစကား၊ “ဗမာ”ဟူသောစကား၊ “ဗမာနိုင်ငံ၊ ဗမာပြည်” ဟူသော စကားတို့ကို တီထွင်၍ တိုင်းရင်းသား စစ်စစ် ဟူသော အမည်နာမ တပ်ဆင်ခဲ့ဖြင့် သိသာထင်ရှားပေသည်။

            သခင်များက မြန်မာနိုင်ငံ၊ မြန်မာပြည် ဆိုသော စကားမှာ မြန်မာလူမျိုးနေထိုင်သောမြန်မာနိုင်ငံဟု အဓိပ္ပါယ်ရောက်သည်။

            မြန်မာနိုင်ငံဆိုသည်မှာ မြန်မာပဒေသရာဇ်များက ပေးသောနာမည်ဖြစ်သည်။ မမှန်ကန်။ ဗမာနိုင်ငံသည် မြန်မာလူမျိုး တမျိုးတည်းနေထိုင်သော နိုင်ငံမဟုတ်။ ကချင်၊ ကရင်၊ ကယား၊ ချင်း၊ တောင်သူ၊ ပအိုး၊ ပလောင်၊ မွန်၊ မြန်မာ၊ ရခိုင်၊ ရှမ်း စသော တိုင်းရင်းသားလူမျိုးပေါင်းစုံ နေထိုင်သော နိုင်ငံဖြစ်သည်။ ထို့ကြောင့် မြန်မာနိုင်ငံကို မြန်မာပြည်ဟုမသုံး၊ ဗမာနိုင်ငံ ဗမာပြည် ဟုသုံး သည်။ သို့မှသာ ညီညွတ်မှန်ကန်မည်။ ဗမာနိုင်ငံတွင်နေထိုင်ကြသော တိုင်းရင်းသားအားလုံးကို ဗမာဟုခေါ်သည်။

            မွန်လူငယ် မွန်သင်းလှိုင်၊ မွန်သန်း၊ မွန်ထွန်းဦးစသည်တို့သည် သခင်သင်းလှိုင်၊ သခင်သန်း၊ သခင်ထွန်းဦး

            ထားဝယ်လူငယ် ကိုဗသိန်းတင်၊ကိုစံဝင်း၊ ကိုဗဆွေ စသူတို့သည် သခင်ဗသိန်းတင်၊ သခင်စံဝင်း၊ သခင်ဗဆွေ

            ရခိုင်လူငယ် ကိုအောင်ကြီး၊ ကိုစန်ရွှေ၊ ကိုဗတင် စသူတို့သည် သခင်အောင်ကြီး၊ သခင်စန်ရွှေ၊ သခင်ဗတင်

            ရှမ်းလူငယ် ကိုခွန်တီး၊ ကိုခင်မောင်၊ ကိုငွေ ကိုသစ် စသူတို့သည် သခင်ခွန်တီး၊ သခင်ခင်မောင် (ကမာရွတ်)၊ သခင်ငွေ (ဗိုလ်စောအောင်)၊ သခင်သစ် (ဗိုလ်စောနောင်)

            ချင်းလူငယ် ကိုဝမ်းသူမောင်၊ ကိုအောင်မင်း စသူတို့သည် သခင်ဝမ်းသူမောင်၊ သခင်အောင်မင်း

            ပအိုးလူငယ် ကိုသိမ်းမောင်၊ ကိုဗရွှေ စသူတို့သည် သခင်သိန်းမောင်၊ သခင်ဗရွှေ

            ကရင်လူငယ် ကိုဘိုးကွယ်(မြောင်းမြ) ၊ ကိုစိုန်ရွှေ(မြောင်းမြ) တို့သည် သခင်ဘိုးကွယ်၊ သခင်စိန်ရွှေ ဟူ၍ သခင်အမည်ခံ ယူ ခဲ့ကြသည်။

            ထို့အတူ မစ္စတာနာရရန်ဆင်၊ နာရီဒူး၊ ဆင်းဂုပ္ပတား၊ ဘဲလျား၊ အပ္ပနား စသော အိန္ဒိယအမျိုးသားများသည် သခင်နာရရန်ဆင်၊ သခင်နာရီဒူး၊ သခင်ဆင်းဂုပ္ပတား၊ သခင်ဘဲလျား၊ သခင်အပ္ပနား

            ကိုတိတ်ဂွမ် (ရန်ကုန်)၊ ကိုဇေယျခေါ် အင်ပီး (မြောင်းမြ)၊ စူးတူး (ခေါ်) ကံဆင့်(မြောင်းမြ)၊ ချိန်တိတ်(ညောင်ဦး)၊ ဂင်စိန်(မြိတ်) စသော တရုတ်အမျိုးသားများသည် သခင်တိတ်ဂွမ်၊ သခင်ဇေယျ၊ သခင်ကံဆင့်၊ သခင်ချန်တိတ်၊ သခင်ဂင်စိတ် စသဖြင့် သခင်ဘွဲ့ခံယူပြီး တို့ဗမာအစည်းအရုံးတွင်ဝင်ရောက်ကာ တိုက်ပွဲအမျိုးမျိုးကို ဆင်နွှဲခဲ့ကြသည်။

            ထို့ကြောင့်ပင် တို့ဗမာသီချင်းတွင်

 “ တို့ဗမာ— ၊ ဟေ့— တို့ဗမာ၊ ဗမာပြေတဝှမ်းအကုန် တို့အိမ်မှတ်ပါ၊ တို့ယာမှတ်ပါ၊ အဲဒါ တို့ဗမာ”ဟု ထည့်သွင်းသီဆိုခဲ့ကြသည်။ ထို့အတူ မူလနိုင်ငံတော် သီချင်းတွင်လည်း “ဗမာပြေ”ဟုသာ ထည့်သွင်းရေးသားသီဆိုခဲ့ကြသည်။

            နယ်ချဲ့ဆန့်ကျင်ရေး၊ ဖက်ဆစ်တော်လှန်ရေးမှာ ပါဝင်ခဲ့ကြသည့်ပါတီအဖွဲ့အစည်းများ၏ အမည်များကိုလည်း ဤသို့ ရေးသား ဖေါ်ပြခဲ့ကြပါသည်။

-       ဗမာနိုင်ငံလုံးဆိုင်ရာကျောင်းသားများသမဂ္ဂ (ဗကသ)

-       ဗမာ့ထွက်ရပ်ဂိုဏ်း

-       ဗမာပြည်ကွန်မြူနစ်ပါတီ (ဗကပ)

-       ဗမာ့လက်ရုံးတပ်

-       ဗမာ့လွတ်လပ်ရေးတပ်မတော်

-       ဗမာနိုင်ငံလုံးဆိုင်ရာ တောင်သူလယ်သမားအစည်းအရုံး — သဖြင့်ဖြစ်သည်။

တို့ဗမာအစည်းအရုံးဝင် တိုင်းရင်းသားလူငယ်များကလည်း ၄င်းတို့အမည်ကို ဤသို့ပြောင်းလဲခဲ့ကြသည်။

သမိုင်းကိုပြင်တာမဟုတ်၊ ဖျက်ဆီးနေတာ

ယင်းသို့ သမိုင်းအချက်အလက်များ တိတိကျကျ၊ ထင်ထင်ရှားရှားရှိခဲ့ပါလျက် (နဝတ-နအဖ) စစ်အစိုးရလက်ထက်တွင် ယင်းကဲ့သို့သော သမိုင်းအချက်အလက်မှန်များကို ပြောင်းပြန်ဇောက်ထိုး ဖြစ်အောင်လုပ်ခဲ့ကြသည်။ ထင်သလိုပြင်ဆင်ခဲ့ကြသည်။ တကယ်တော့သမိုင်းကို သမိုင်းအချက်အလက်တွေကို ဖျောက်ဖျက်နေခြင်း၊ ဖျက်ဆီးနေခြင်းသာဖြစ်သည်။

မည်သည့်လူမျိုးပင်ဖြစ်ပါစေ အခြားလူမျိုး၏ ဘာသာစကားနှင့်အသံထွက်ကို အတိအကျပြောဆို အသံထွက်နိုင်လိမ့်မည် မဟုတ်၊  အနီးစပ်ဆုံးသာ ပြောဆိုအသံထွက်နိုင်ပါလိမ့်မည်။

“အသံထွက်မပီကလာပီကလာဖြင့်” မြန်မာကို (Burma/ဘားမား) လို့အသံထွက်တာ၊ (Burma)လို့ သုံးတာဟာ “လူမျိုးရေး သွေးကွဲစေရန်” အစီအမံရှိတာဖြစ်တယ်ဟု ဆိုသော ပြောဆိုရေးသားမှုများဟာ ဆီလျော်မှုမရှိတဲ့ ဇင်နိုဖိုဘီးယား (Xenophobia) အကြောင်းပြချက်များသာဖြစ်ပါသည်။

မြန်မာဆိုတာ လူမျိုးရဲ့နာမည်သာ ဖြစ်တယ်ဆိုတာ ကျောက်စာအထောက်အထားနဲ့ အခြားအိမ်နီးချင်းခေတ်ပြိုင် အထောက် အထားတွေမှာ (Mien-tien) (မီရန်တင့် ) အထင်အရှားတွေ့မြင်နေရပါလျက် မြန်မာ ဆိုသည်မှာ တိုင်းရင်းသားအားလုံးကိုကိုယ်စားပြုပြီး ဗမာ ဆိုသည်မှာ လူမျိုးတစ်မျိုး၏အမည်လို့ ပြောင်းလဲလိုက်ခြင်း/ ပြောင်းလဲလိုခြင်း ကသာလျှင် သမိုင်းကို ပြောင်းပြန်ဇောက်ထိုးပြုလုပ် ခြင်းဖြစ်ပါသည်။   မိမိတိုင်းပြည်သမိုင်းနှင့် လူမျိုးသမိုင်းကို ဖျက်ဆီးပစ်ခြင်းဖြစ်ပါသည်။

(နဝတ)စစ်အစိုးရက (၁၈ – ၆- ၁၉၈၉) နေ့တွင် နိုင်ငံတော်သီချင်းတွင်ပါဝင်သည့် “ဗမာ” ဆိုသည့် စကားရပ်ကို “မြန်မာ” ဆိုသည့်စကားရပ်ဖြင့် ပြောင်းပြန်ဖြစ်အောင်ပြောင်းခဲ့သည်။ (နဝတ) စစ်အစိုးရဥပဒေအမှတ် (၁၆/၈၉) ဖြင့် (Burma) ကို (Myanmar) ဟု တစ်ဖက်သတ်ထင်သလို ပြောင်းလဲခေါ်ဝေါ်စေခဲ့ကြခြင်းသာဖြစ်သည်။

တို့ဗမာအစည်းအရုံးသမိုင်းတွင်ဖေါ်ပြသကဲ့သို့ မြန်မာနိုင်ငံဆိုသည်မှာ မြန်မာပဒေသရာဇ်များက ပေးသောနာမည်ဖြစ်သည်။

ထိုပဒေသရာဇ်များသည်သူတလူငါတမင်းဖြင့် အဖကိုသားသတ်၊ ညီကအကိုကိုသတ် စသဖြင့် သွေးခင်း၍နန်းလုခဲ့ကြသည်။

နောက်ဆုံးတွင် ပဒေသရာဇ်ဘုရင်ကို ကိုလိုနီနယ်ချဲ့သမားက ရာဇပလ္လင်ပေါ်ကဆွဲချပစ်ခဲ့သည်။ ကြက်ကလေးငှက်ကလေး သဖွယ် ပါတော်မူသွားကြရသည်။ ထိုပဒေသရာဇ်များ၊ ထိုပဒေသရာဇ် သက်ဦးဆံပိုင်စနစ်၏ အစဉ်အလာများကို အဘယ့်ကြောင့်ဖက်တွယ် လွမ်းဆွတ် တသနေကြမည်နည်း။ ကိုးကွယ်နေကြမည်နည်း။

 တန်ဖိုးထားကြမည်ဆိုလျှင် ကိုလိုနီနယ်ချဲ့သမားများကို ဆန့်ကျင်ခဲ့ကြသည့် သမိုင်းနှင့် ယင်းသို့တောက်ပြောင်သော သမိုင်း အစဉ်အလာများကိုသာ တန်ဖိုးထားကြရမည်မဟုတ်ပါလော။

အုပ်စိုးသူအစိုးရအဆက်ဆက်သည် နယ်ချဲ့ဆန်ကျင့်ရေး၊ ဖက်ဆစ်တော်လှန်ရေးသမိုင်းနှင့် သမိုင်းဝင်အဖွဲ့အစည်းများ၊ ရဟန်း ရှင်လူပုဂ္ဂိုလ်များ၊ သမိုင်းအချက် အလက်များ၊ အထိမ်းအမှတ်များကိုတော့ ကွယ်ပျောက်၊ ပျက်ပျယ်၊ မှုံဝါးသွားစေရန် စနစ်တကျ စီမံ လုပ်ဆောင်ခဲ့ကြသည်။ လုပ်ဆောင်နေဆဲလည်း ဖြစ်သည်။

(နဝတ-နအဖ) စစ်အစိုးရနှင့် လက်ရှိအစိုးရသည် သက်ဦးဆံပိုင်ပဒေသရာဇ် အစဉ်အလာများကိုသာ ဖက်တွယ်ထားလိုကြသည်။ သူတို့သည် သူတို့မမြင်ဖူးခဲ့သော (အနော်ရထာ၊ဘုရင့်နောင်၊ အလောင်းဘုရား) ဘုရင်များကို အရုပ်ထု၍ ကိုးကွယ်နေကြသည်။ ဂုဏ်ယူ နေကြသည်။

ဗြိတိသျှကိုလိုနီနယ်ချဲ့ကို ရဲရဲဝံ့ဝံ့တွန်းလှန်ခဲ့သော “စစ်သူကြီးမဟာဗန္ဓုလ”ကို နေပြည်တော်မှာ အရုပ်ထုပြီး ဘာကြောင့် မကိုး ကွယ်ရတာလဲ။

ဗိုလ်ချုပ်အောင်ဆန်းသည် ဗြိတိသျှကိုလိုနီနယ်ချဲ့သမားကို ဆန်ကျင့်ခဲ့သူ၊ ဖက်ဆစ်ဂျပန်ကို တော်လှန်ခဲ့သူ၊ တိုင်းရင်းသား စည်းလုံးညီညွတ်ရေး(ပင်လုံစာချုပ်) တည်ဆောက်ခဲ့သူဖြစ်ပါသည်။

 ဗိုလ်ချုပ်၏ ယင်းသို့ တောက်ပြောင်ခမ်းနားသော နယ်ချဲ့ဆန်ကျင့်ရေးဖက်ဆစ်တော်လှန်ရေး၊ တိုင်းရင်းသားစည်းလုံး ညီညွတ်ရေး သမိုင်းအစဉ်အလာအမွေကို မျိုးဆက်သစ်လူငယ်များ ဆက်ခံရမည်မဟုတ်ပါလား။

 ယခုတော့ သမိုင်း နှင့် မျိုးဆက်သစ်လူငယ်များကို အဆက်ဖြတ်ပစ်နေကြသည်။ အဆက်ပြတ်အောင်လုပ်နေကြသည်။

လွတ်လပ်ရေးဗိသုကာကြီး၊ တပ်မတော်ဖခင်ကြီးဟု လက်ရှိအစိုးရ “ပါးစပ်”က ပြောနေသော်လည်း နေပြည်တော်တွင် ဗိုလ်ချုပ် အောင်ဆန်းရုပ်ထု မရှိပါ။ ငွေစက္ကူများတွင် ဗိုလ်ချုပ်အောင်ဆန်း ဓါတ်ပုံထည့်သွင်းရိုက်နှိပ်ခြင်းမရှိပါ။

ဒါကြောင့် (နဝတ-နအဖ) စစ်အစိုးရအုပ်စိုးခဲ့တဲ့ကာလ (၁၉၈၈ – ၂၀၁၁) ကို ဗိုလ်ချုပ်အောင်ဆန်းသမိုင်း သေးသိမ် မှေးမှိန် အောင်လုပ်ခဲ့တဲ့ကာလလို့ ပြောမယ်ဆိုရင် အပြောလွန်ရာကြမည်မထင်ပါ။

ထို့အပြင် လက်ရှိ ဦးသိန်းစိန်အစိုးရကလည်း Burma ပါလျှင် “ဗမာနိုင်ငံလုံးဆိုင်ရာ ကျောင်းသားများသမဂ္ဂ (ဗကသ)” တရား ဝင်ဖွဲ့စည်းခွင့်ကို  လက်မခံသလို၊ (ဗကသ) လှုပ်ရှားမှုကိုလည်း ဟန့်တား၊ ပိတ်ပင်၊ ခြိမ်းချောက်နေပါသည်။

နိဂုံးချုပ်ရလျှင်

ကျောက်စာအထောက်အထား၊ အိမ်နီးချင်းနိုင်ငံ၏ခေတ်ပြိုင်မှတ်တမ်းများအရ လူမျိုးကို “မြန်မာ”(Myanmar) ဟု ခေါ်ဝေါ်ခြင်း ကသာ မှန်ကန်ပါမည်။

 ထိုနည်းတူပင် နိုင်ငံကိုလည်း သမိုင်းအစဉ်အလာကြီးမားသော တို့ဗမာအစည်းအရုံးကြီးက စနစ်တကျ တီထွင် ပေးအပ်ခဲ့ သော၊ ကျွန်သဘောက်ဘဝကို ရွံမုန်းပြီး၊ သခင်တိုင်းပြည် သခင်လူမျိုးများ ဘဝရောက်ရှိလာအောင် (သခင်မျိးဟေ့ ဒို့ဗမာ) ရဲတင်းသံ ပေးခဲ့သော၊ တိုင်းရင်းသား ပေါင်းစုံကို ကိုယ်စားပြုသော “ဗမာနိုင်ငံ” (Burma)ဆိုသည့် အမည်ကို တိတိကျကျ ခေါ်ဝေါ်သုံးစွဲခြင်းကသာ လျှင် မှန်ကန် ဆီလျော် ကိုက်ညီပါလိမ့်မည်။

မြန်မာလူမျိုး၊ ဗမာနိုင်ငံလို့ခေါ်ကြစို့။

(၂၀၁၂ ခုနှစ်၊ ဇွန်လ ၁၃ ရက်)

ကိုးကား

-       တို့ဗမာအစည်းအရုံးသမိုင်း (ပထမတွဲ) ပထမအကြိမ်ပုံနှိပ်ခြင်း၊ ၁၉၇၆

-       ဒေါက်တာသန်းထွန်း- မြန်မာသမိုင်းရှာတော်ပုံ ပထမအကြိမ်၊ ၂၀၀၃၊ အောက်တိုဘာ၊ ဒေါင်းစာပေ

ဗမာ - မြန်မာ အငြင်းပွားမှု

မြန်မာနုိုင်ငံကုို Burma လုို့ခေါ်ရမလား Myanmar လုို့ခေါ်ရမလားဆုိုတာ အခုထိအငြင်းပွားနေရတုံးပါ။ မြန်မာ အစုိုးရနဲ့ မြန်မာသံတမန်တွေက Myanmar ဆုိုတဲ့အသုံးအနှုန်းကုို လက်ဆုပ်လက်ကုိုင်ပြုထားပြီး မြန်မာအစုိုး ရနဲ့အလျင်းသင့်တဲ့ ပါတနာနုိုင်ငံတွေကလဲ အဲဒီအတုိုင်းသံယောင်လုိုက်ပြီး သုံးကြပါတယ်။ အနောက်နုိုင်ငံ တွေနဲ့ အပြည်ပြည်ဆုိုင်ရာ အဖွဲ့အစည်းတွေကတော့ Burma လုို့ပဲ သုံးကြပါတယ်။  အနောက်နုိုင်ငံတွေနဲ့ ပြည်ပမီဒီယာအများစုအနေနဲ့ မကြာသေးသောကာလကမှ Myanmar လုို့သုံးစွဲလာကြတာကုို တွေ့ရပါတယ်။ သုို့တုိုင်အောင် အမေရိကန်နဲ့ ဗြိတိန်တုို့ကတော့ Burma လုို့သုံးနေတုံးပါပဲ။  ဒေါ်အောင်ဆန်းစုကြည်လဲ အခုအချိန်အထိ Burma လုို့သုံးနေတုံးပါပဲ။

တကယ်တော့ န၀တ အစုိုးရမတက်ခင်အချိန်အထိ တကမ္ဘာလုံးကရော မြန်မာနုိုင်ငံသားအာလုံးတုို့ကပါ Burma ဆုိုတာကုို တညီ တညွတ်တည်း ခေါ်ဝေါ်သုံးစွဲခဲ့ကြတာပါ။ န၀တလက်ထက်ရောက်တော့ မြန်မာက မြန်မာပေါ့၊ ဘာလုို့ဗားမား ခေါ်ရမှာလဲဆုိုပြီးတော့ နုိုင်ငံရဲ့တရားဝင်နာမည်ကုို Burma ကနေ Myanmar ဆုိုပြီး ပြောင်းလဲခဲ့တာပါ။

သူတုို့ရဲ့အကြောင်းပြချက်ကတော့ Burma ဆုိုတာ ဗမာလူမျိုးတခုတည်းကုို ကုိုယ်စားပြုပြီး Myanmar ကမှ တနုိုင်ငံလုံးရှိ ၁၃၅ မျိုးသော လူမျိုးအားလုံးကုိုကုိုယ်စားပြုတယ်လုို့ ဆုိုပါတယ်။ တကယ်တော့ ဒါက တကမ္ဘာ လုံးကုိုရော နုိုင်ငံသားတွေကုိုရော နားလှည့်ပါးရုိုက်တဲ့ အကြောင်းပြချက်ပါ။ ဒါရဲ့နောက်ကွယ်မှာ တခြား နုိုင်ငံရေး ပရိယာယ်တွေ ရှိနေပါတယ်။  သေချာတာတခုကတော့ အင်္ဂလိပ် မုန်းတီးရေးက အကြောင်းတခု ဖြစ်နုိုင်ပါတယ်။ ဘာလုို့လဲဆုိုတော့ အဲဒီလုိုပြောင်းလဲကြောင်း ကြေငြာပြီးတာ နဲ့တဆက်တည်းမှာ အင်္ဂလိပ် နာမည်နဲ့ မှည့်ထားတဲ့လမ်းနာမည် အားလုံးကုိုမြန်မာလုို ပြောင်းလဲလုိုက်တာပါ။ ဥပမာ ရန်ကုန်က လွစ္စလမ်းကုို ဆိပ်ကမ်းသာလမ်း၊ ယောက်လမ်း (york) ကုို ဆူးလေဘုရားလမ်း၊ Rangoon ကုို Yangon ၊ Moulmein ကုို Mawlamyaing ၊ Prome ကုို Pyay ၊ မေမြို့ကုို ပြင်ဦးလွင် စသည်အားဖြင့် အင်္ဂလိပ် နာမည်နဲ့ မြို့နာမည်၊ လမ်းနာမည်မှန်သမျှကုို ပြောင်းလဲပစ်ခဲ့ပါတယ်။ မူလကတည်းကုိုက ဦးနေ၀င်း ရုိုက်သွင်းထားလုို့ အင်္ဂလိပ်မုန်းတီးရေးတရားရှိနေတာကတကြောင်း၊ အဲဒီတုံးက ဒေါ်အောင်ဆန်းစုကြည် မြန်မာ့နုိုင်ငံရေး
လောကထဲကုို ၀င်ရောက်လာခဲ့ပြီး သူ့အိမ်ထောင်ဖက်ကလည်း အင်္ဂလိပ်အမျိုးသားဖြစ်တာမုို့  အချိန်ကုိုက် အင်္ဂလိပ်တွေသုံးနှုန်းတဲ့ နာမည်တွေကုို ပြောင်းလဲပစ်တာလုို့ ယူဆရပါတယ်။

သူတုို့ရဲ့တရားဝင် အကြောင်းပြချက်ကုို ဆန်းစစ်ကြည့်ရအောင်ပါ။ သူတုို့ပြောသလုို Burma ဆုိုတာ ဗမာလူမျိုး တခုတည်းကုိုကုိုယ်စားပြုပြီး တနုိုင်ငံလုံးရှိ ၁၃၅ မျိုးသောတုိုင်းရင်းသားများကုို ကုိုယ်စားမပြုဘူး ဆုိုရင် စာပေကုိုကျတော့ ဘာလုို့အခုအချိန်အထိ ဗမာစာလုို့မခေါ်ဘဲ မြန်မာစာလုို့ခေါ်နေကြသလဲဆုိုတာ စဉ်းစားစရာပါ။ ဘာလုို့လဲဆုိုတော့ မြန်မာနုိုင်ငံမှာ ဗမာစာပေတခုတည်းရှိတာမဟုတ်ပါဘူး။ ရှမ်းစာပေ၊ ရခုိုင်စာပေ၊ မွန်စာပေ စသည်အားဖြင့် တုိုင်းသားတုိုင်းလုိုလုိုက သူ့စာပေနဲ့သူရှိကြတာများပါတယ်။ ဒီတုိုင်းရင်းသားစာပေတွေကုို မြန်မာစာထဲသွတ်သွင်းလုို့ကတော့ သဘာဝမကျပါဘူး။ သူတုို့ပြောသလုိုသာ ဆုိုရင်မြန်မာစာလုို့မသုံးဘဲ ဗမာစာလုို့ဘဲသုံးသင့်ပါတယ်။

သမုိုင်းကြောင်းအရ "ဗမာ" ဆုိုတဲ့အသုံးအနှုံးက မှန်တယ်လုို့လေ့လာချက်အရ သိရှိရပါတယ်။ "ဗမာ"ဆုိုတဲ့အသုံး အနှုန်းဟာ "ဗြဟ္မာ" ဆုိုတဲ့စကားကဆင်းသက်လာတာဖြစ်ပါတယ်။ မြင့်မြတ်ခြင်းလုို့ အဓိပ္ပါယ်ရပါတယ်။ ရှေးဗမာ လူမျိုးတွေက သူတုို့ကုိုယ်သူတုို့ မြင့်မြတ်တယ်လုို့ ခံယူထားတာဖြစ်လုို့ပါ။ "ဗြဟ္မာ"ကနေပြီးတော့ တဖြေးဖြေးနဲ့ ပြောင်းလဲလာပြီး "ဗမာ"လုို့ဖြစ်လာတာပါ။ ခေတ်အဆက်ဆက်က "ဗမာ" လုို့သာခေါ်ဝေါ်သုံးနှုန်းခဲ့ပြီး "မြန်မာ" လုို့ အစောဆုံးသုံးနှုန်းတာက ပုဂံခေတ်တောင်ဂူနီ ကျောက်စာ မှာအရင်ဆုံး တွေ့ရတယ်လုို့ဆုိုပါတယ်။ အဲဒီ ကျောက်စာမှာ “မရမ္မာ" လုို့သုံးထားပါတယ်။  ၁၅ ရာစု မြန်မာနုိုင်ငံကုို ကုန်သွယ်ဘုို့ရောက်ရှိလာတဲ့ ပေါ်တူဂီတွေက ဗမာကုို Burma လုို့စတင်သုံးစွဲခဲ့တာပါ။ အင်္ဂလိပ်တွေကုို တော်လှန်နေတဲ့အချိန်က သခင်ကုိုယ်တော်မှိုင်းတုို့၊ ဗုိုလ်ချုပ်အောင်ဆန်းတုို့က "ဒုို့ဗမာအစည်းအရုံး" လုို့ပဲ သုံးနှုံးခဲ့ပါတယ်။   "ဒို့မြန်မာ အစည်းအရုံး"လုို့မသုံးခဲ့ပါဘူး။

ဗမာပြည်မှာနေတဲ့လူတွေကို မူလအဓိပါယ် “ဗြဟ္မာ" (မြင့်မြတ်ခြင်း) လုို့ရည်ညွန်းမယ်ဆုိုရင်တော့ "ဗမာ"က ပုိုပြီးသင့်မြတ်ပါလိမ့်မယ်။  ဒီတော့ နုိုင်ငံရေးအရောင်အသွေးမပါဘဲ ပြောကြစတမ်းဆုိုရင် "ဗမာ"ဆုိုတဲ့အသုံး အနှုန်းကသာမှန်ပါတယ်။"မြန်မာ" ဆုိုတာ နုိုင်ငံရေးဆေးရောင်ချယ်ပြီးတော့မှ မရုိုးမသားပြန်သုံးလာတာပါ။ ဒါကြောင့်ပဲ ဒေါ်အောင်ဆန်းစု ကြည်က အခုအချိန်ထိ Burma လုို့သုံးနေတာဖြစ်မယ်လုို့ထင်ပါတယ်။

စစ်အစုိုးရကုိုဖော်လုိုလုိုက်သူတွေကတော့ သူတုို့ပြောတဲ့အတုိုင်းသံယောင်လုိုက်ပြီး "မြန်မာ" ကသာလျှင် လူမျိုးစုအားလုံးကုို ကုိုယ်စားပြုပါတယ်ဆုိုပြီး ပြောကြပါတယ်။ တချို့ပြောတာလဲရှိသေးတယ်။"မြန်မာ"ကုို အဓိပ္ပါယ်ဖွင့်တော့ စိတ်ဓာတ်မြန်ဆန်ပြီး ခုိုင်မာပြတ်သားတယ်လုို့ နှုတ်အားဖြင့် အဓိပ္ပါယ်ဖွင့်ကြသေးတယ်။ အရူးချီးပန်းသဘောမျိုးပြောတာပါ။

နုိုင်ငံတကာစံနှုန်းနဲ့ကြည့်ရင် Myanmar ရဲ့အဆီအငေါ်မတည့်မှုတခုကုို ပြောချင်ပါသေးတယ်။ ဒါကလဲ ရန်ကုန်တက္ကသုိုလ် မြန်မာစာကထိကဟောင်း ဆရာကြီးဦးစံတင်ကထောက်ပြထားတာပါ။ Burma လုို့သုံးတုံး ကတော့ နုိုင်ငံနာမည်ကုို Burma ၊ နုိုင်ငံသားကုိုတော့ Burmese လုို့ နုိုင်ငံကူးလက်မှတ်မှာ သုံးကြပါတယ်။ အဆင်ကုိုပြေနေပါတယ်။ ထုိုနည်းတူစွာပဲ နီပေါနုိုင်ငံကုိုရည်ညွန်းရာမှာ နုိုင်ငံကုို Nepal ၊ နုိုင်ငံသားကုိုတော့ Nepalese လုို့သုံးပါတယ်။ ပါကစ္စတန်နုိုင်ငံသားကုို ပါကစ္စတန်နိ(စ်) လုို့ခေါ်ပါတယ်။ စင်္ကာပူကုို ရည်ညွန်းရာ မှာလဲ နုိုင်ငံကုို Singapore ၊ နုိုင်ငံသားကုိုတော့ Singaporean လုို့သုံးပါတယ်။ အိန္ဒိယလူမျိုးကုို Indian လုို့သုံးပါတယ်။ မြန်မာကျတော့ နုိုင်ငံလဲ Myanmar ၊ လူမျိုးလဲ Myanmar ဆုိုတော့ နုိုင်ငံတကာရဲ့အမြင်မှာ လူတုိုင်းကအံ့သြကြပါတယ်။

ခြုံပြောရမယ်ဆုိုရင်တော့ "ဗမာပြည်" "ဗမာနုိုင်ငံ"လုို့သာ သင့်မြတ်ကြောင်းပါ။

ဇွန်လတဆယ့်ကုိုး

ဒေါ်စုအတွက်ကဗျာလေးပါ....

ဇွန်လတဆယ့်ကုိုး

ဇွန်တဆယ့်ကုိုးရောက်လုို့လာ

ဒုို့တွေအသိစိတ်မှာ

သတိရလာအုံးအုံးကျွတ်

နုိုင်ငံလုံးဦးညွတ်။

အလုပ်သမား လယ်သမားတွေ

ကျောင်းသားလဲပါနေ

ရဟန်းရှင်လူအားလုံးမစဲ

အလွှာပေါင်းစုံလုို့ပဲ။

ကမ္ဘာ့ခေါင်းဆောင်တွေလဲမကျန်

စံထားရတာအမှန်

မြန်မာ့ဂုဏ်လျှံတလွှားလွှား

သူသူငါငါမော်လုို့ကြွား။

တော်လေး၀၀င်ဒုို့မိခင်

ဒေါ်စုဖွားသန့်စင်

ရှင်လူအများစီးပွားတုိုး

ဇွန်လတဆယ့်ကုိုး။

တမျိုးသားလုံးအားထားစေချင်

နုိုဘယ်ဆုမိခင်

ရှင်လူချစ်တဲ့အမေအား

ဆုတောင်းမေတ္တာဝေစုို့လား

အမှုအပေါင်းအောင်နုိုင်ပါစေသား

များအကျိုးဆတုိုးပြုစေတကား။ 

ကုလားဆုိုတဲဝေ့ါဟာရ

မြန်မာတွေရဲ့ ယေဘုယျအမြင်မှာ အစ္စလာမ်ဘာသာနဲ့ ဟိန္ဒူဘာသာ ကုိုးကွယ်သူတွေကုို ကုလားလုို့ အကြမ်းဖျဉ်းသိကြပါတယ်။ တကယ်တော့ အဲဒီထက်ကျယ်ဝန်းပါတယ်။ ခြုံပြီးပြောရမယ်ဆုိုရင်တော့ အသားမည်းမည်း၊ နှာတံကောက်ကောက်၊ မျက်လုံးမျက်ဆံပြူးပြူး၊ မုတ်ဆိတ်တွေနဲ့လူတွေကုို ကုလားလုို့ ခြုံပြီးပြောနုိုင်ပါတယ်။ အစ္စလာမ်ဘာသာဝင် အသားဖြူဖြူနဲ့ကုလားတွေကုိုတော့ မြန်မာတွေက မဂုိုကုလား လုို့ ရည်ညွှန်းကြပါတယ်။ ရန်ကုန် မဂုိုလမ်း (ယခုရွှေဘုံသာလမ်း)မှာ အများစုတွေ့ရလုို့ အဲဒီကနေ မဂုိုကုလား ဖြစ်လာတယ်လုို့ ထင်ရပါတယ်။ နီပေါကနေ မုိုးကုတ်မှ တဆင့်ဝင်လာတဲ့ကုလားတွေကုိုတော့ ဂေါ်ရခါး ကုလားလုို့ လူသိများပါတယ်။ ထုိုနည်းတူစွာ ပန်ဂျာပီကုလား (အိန္ဒိယနုိုင်ငံ၊ ပန်ဂျပ်ပြည်မှကုလား)၊ အာရပ်ကုလား၊ ပါကစ္စတန်ကုလား၊ ဘင်္ဂါလီကုလား (ဘင်္ဂလားဒေ့ရ်ှနုိုင်ငံမှကုလား) စသည်အားဖြင့် ကုလားအမျိုးစုံ ရှိပါတယ်။ 

ဆုိုလုိုတာက ကုလားဆုိုတာ အများအကြမ်းဖျဉ်းသိနေကြသလုို အစ္စလာမ်နဲ့ ဟိန္ဒူဘာသာဝင်တွေကိုသာ ကုလားလုို့ဆုိုလုိုတာမဟုတ်ပါဘူး။ ကုလားပြည်လုို့ခေါ်တဲ့ အိန္ဒိယမှာ ခရစ်ယာန်ဘာသာဝင်တွေ လဲအများကြီးပါ။ သူတုို့ကုိုတော့ ခရစ်ယာန်ကုလားလုို့ခေါ်ပါတယ်။ တခြားဘာသာဝင်တွေဖြစ်တဲ့ ဂျိန်းကုလား၊ ဆစ်(ခ်)ကုလားဆုိုပြီးတော့လဲ အမျိုးမျိုးရှိပါသေးတယ်။ ဗုဒ္ဓဘာသာဝင်တွေလဲ အနည်း စုရှိကြသေးတာမုို့ သူတုို့ကုို ဗုဒ္ဓဘာသာကုလားလုို့လဲ ဆုိုကြပါတယ်။ သီရိလင်္ကာနုိုင်ငံကကုလားတွေ ကတော့ ဗုဒ္ဓဘာသာ ကုလား များပါတယ်။ 

ကုလားဆုိုတဲဝေ့ါဟာရကုိုဇစ်မြစ်ကုိုလုိုက်မယ်ဆုိုရင်တော့ “အမျိုး“ လုို့အဓိပ္ပါယ်ရတဲ့“ကုလ“ ဆုိုတဲ့ ပါဠိစကားကနေ အချိန်ကာလ ရွေ့လျောလာတာနဲ့အမျှ ကုလားဖြစ်သွားတယ်လုို့ ပညာရှင် အချို့က ယူဆကြပါတယ်။ ရန်ကုန်တက္က သုိုလ် မြန်မာစာကထိကဟောင်း ဆရာကြီးဦးစံတင်ကတော့ ဟုိုဘက် တုိုင်းပြည်ကနေ ဒီဘက်တုိုင်း ပြည်ကုို ကူးလာကြလုို့ “ကူးလာ“ ဆုိုတဲ့စကားကနေ နောက်ပုိုင်း “ကုလား“ ဖြစ်သွားတယ်လုို့ သူ့ဆီမှာစာသင်တုံးက ပြောခဲ့ဖူးတာကုို မှတ်သားရဖူးပါတယ်။ သူ့ရဲ့ အယူအဆအတုိုင်း ဆုိုရင် တရုတ်ပြည်က ကူးလာတဲ့လူတွေလဲ ကုလားစာရင်းထဲ ပါသွားနုိုင်ပါတယ်။

အင်္ဂလိပ်တွေကုိုတောင် ကုလားဖြူလုို့ ဟုိုတုံးက သုံးနှုံးခဲ့ကြသေးတာပဲ။ ဒါကုိုပဲ န၀တ၊ နအဖစစ်အစုိုးရတွေက မြန်မာ့ဒီမုိုကရေစီ ခေါင်းဆောင်နဲ့ အခုတမျိုးသားလုံးရဲ့ခေါင်းဆောင်ဖြစ်လာတဲ့     ဒေါ်အောင်ဆန်းစုကြည်ကုို အပုပ်ချချင်တော့ “ကုလားဖြူမယား“ ၊ ပြီးတော့ “ကုလားမယား“ ဆုိုပြီး အမနာပရေးခဲ့ကြတာကုို အဲဒီခေတ် က သတင်းစာ အဟောင်းတွေ ပြန်ရှာကြည့်ရင်တွေ့ရမှာပါ။ 

ခက်နေတာက ကုလားဆုိုတာ လူမျိုးတမျိုးကုို နှိမ့်ချတဲ့အသုံးအနှုံးဖြစ်မဖြစ်ဆုိုတာပါပဲ။ အပေါ်မှာ တွေ့မြင် သိရှိထားတဲ့ အဓိပ္ပါယ်ဖွင့်ဆုိုချက်အတုိုင်းဆုိုရင်တော့ နှိမ့်ချတဲ့အဓိပ္ပါယ်မသက်ရောက်ပါဘူး။ လူမျိုးတမျိုးရဲ့ အမည်နာမကုို ရည်ညွန်းတာလောက်ပါပဲ။ သုို့တုိုင်အောင် ရခုိုင်ပြည်နယ်မှာ လက်ရှိ ဖြစ်ပေါ်နေတဲ့ ပြဿနာ ဟာ ကုလားဆုိုတဲ့ အသုံးအနှုံးက ပြဿနာရဲ့အစိတ်အပုိုင်း ဖြစ်လာတယ်ဆုိုရင်တော့ ဒီအသုံးအနှုံးအပေါ် မကျေနပ်တဲ့လူတွေအနေနဲ့ ဝေါဟာရရဲ့ ဇစ်မြစ်အဓိပ္ပါယ်ကုို မသိလုို့ ဖြစ်ရတယ်လုို့ပဲ ဆုိုချင်ပါတယ်။ 

နောက်တခုက “ကုလားဒိန်“ ဆုိုတဲ့အသုံးအနှုံးပါ။ လူတယောက်ကုလားရုပ်ရည်နဲ့ နည်းနည်းဆင် တယ်ဆုို ရင် “ကုလားဒိန်“ လုို့ရည်ညွှန်းပြောတတ်ကြပါတယ်။ ဒီဝေါဟာရကုို မြန်မာအဘိဓာန်က ဘယ်လုိုအဓိပ္ပါယ် ဖွင့်ဆုိုလဲဆုိုတာ အတိအကျမသိပေမယ့် ကုိုယ်ပုိုင်အယူအဆနဲ့ တွေးကြည့်မယ်ဆုို ရင်တော့ “ဒိန်“ ဆုိုတာ “ဒိန္န"၊ ဒါမှမဟုတ် “ဒိန" ဆုိုတဲ့ပါဠိစကားကနေဆင်းသက်လာတဲ့ ပါဠိသက်ဝေါဟာရ တခုလုို့ယူဆရပါတယ်။ “ပေးခြင်း" လုို့အဓိပ္ပါယ်ရပါတယ်။ ကုလားကနေ မျိုးစေ့ချပေးခဲ့တဲ့ လူလုို့ အဓိပ္ပါယ်ယူနုိုင်ပါတယ်။ နောက် တနည်းယူဆနုိုင်တာက “ဒိန်" ဆုိုတာက ဒိန်ချဉ်၊ ဒိန်ခဲစကား တွေကနေ ယူပြီး အဲဒါရဲ့ အဓိပ္ပါယ်ဖြစ်တဲ့ ရော နှောခြင်းလုို့ ယူဆနုိုင်ပါတယ်။ ဒီတော့ “ကုလားဒိန်“ ဆုိုတာ ကုလားသွေး ရောတဲ့လူလုို့ မှတ်ယူနုိုင်ပါတယ်။ 

အားလုံးကုို ခြုံပြောရရင် “ကုလား" ဆုိုတဲဝေ့ါဟာရဟာ နှိမ့်ချတဲဝေ့ါဟာရမဟုတ်ဘူးလုို့ပြောချင်တာပါ။ ကုလားကုို ကုလားလုို့ခေါ်တာ နှိမ့်ချတယ်လုို့ဆုိုရင် တရုတ်ကုိုတရုတ်လုို့ခေါ်ရင်လဲ နှိမ့်ချတယ် လုို့ယူရတော့ မှာပေါ့။ 

ရဟန်းတော်များနဲ့လက်ဆွဲနှုတ်ဆက်ခြင်း

လူ့လောကမှာ လက်ဆွဲနှုတ်ဆက်ခြင်းဟာ လူတယောက်နဲ့တယောက် အရေးကြီးတဲ့ အသိ အမှတ်ပြုမှု အမှတ်သင်္ကေတ တခုဖြစ်ပါတယ်။ တယောက်နဲ့တယောက် မိတ်ဆက်တဲ့ နေရာမှာ လက်ဆွဲနှုတ်ဆက် ကြတယ်။ ဂုဏ်ပြုပွဲတွေမှာ ဂုဏ်ယူတဲ့အနေနဲ့ လက်ဆွဲနှုတ် ဆက်ကြတယ်။ အားကစားပွဲတွေမှာလဲ ရှုံး သူကနုိုင်သူကုို၊ ဒါမှမဟုတ်နုိုင်သူက ရှုံးသူကုို အပြန်အလှန် လေးစားအသိအမှတ်ပြုတဲ့အနေနဲ့ နှုတ် ဆက်ကြတာဖြစ်ပါတယ်။

အဲဒီလုိုနှုတ်ဆက်တဲ့အခါမှာ တယောက်ကလက်ကမ်းပေးရင် တခြားတယောက်ကလဲ အလုိုလုို လက် ကမ်းနှင့်ပြီးသား ဖြစ်ရပါမယ်။ ဒါမှ ယဉ်ကျေးတယ်လုို့ သတ်မှတ်ပါတယ်။ လက်ကမ်းပေးလာတာကုို လက်ကမ်းခြင်းနဲ့မတုံ့ပြန်ရင် အတော်ရုိုင်းတဲ့လူပဲလုို့ သတ်မှတ်ပါ တယ်။ လက်ကမ်းလာတဲ့လူကုို မကျေနပ်ဘူးဆုိုတဲ့သဘောပေါ့။ ဒါမျိုးတွေကုို အားကစား ပြိုင်ပွဲတွေမှာ အားကစားစိတ်ဓာတ်မရှိတဲ့ တချို့ရှုံးနိမ့်သူတွေ ပြုမူတတ်ကြတာကုို တွေ့ရ တတ်ပါတယ်။ ရုပ်ရှင်တွေမှာတော့ အများကြီးပေါ့။

လက်ဆွဲနှုတ်ဆက်တဲ့ယဉ်ကျေးမှုဟာ အနောက်တုိုင်းထုံးစံဖြစ်ပေမယ့် တကမ္ဘာလုံးကုို ပြန့်နှံ့နေပြီး မြန်မာနုိုင်ငံမှာလည်း အစုိုးရအရာရှိတွေကအစ လက်ဆွဲနှုတ်ဆက်နေကြတာ ကုို တွေ့ရပါတယ်။ ဒါအနောက်တုိုင်းယဉ်ကျေးမှုကုို မြန်မာတွေကမွေးစားလုိုက်တာလုို့ ဆုိုနုိုင်ပါတယ်။

လူလူချင်းလက်ဆွဲနှုတ်ဆက်တာ အမြင်မဆန်းပေမယ့် လူနဲ့ရဟန်းတော်တွေ လက်ဆွဲ နှုတ်ဆက်တာ ကတော့ ဗုဒ္ဓဘာသာဝင်တွေရဲ့ အမြင်မှာ ဆန်းကြယ်နေပြီး မသင့်တော်ဘူးလုို့လဲ အားလုံးကယူဆနေ ကြပါတယ်။ နုိုင်ငံခြားမှာ သာသနာပြုနေကြတဲ့ ဗုဒ္ဓဘာသာ ရဟန်းတော်များအဖုို့ အတော်သတိထား ရပါတယ်။ 

ဟုိုတုန်းက မြန်မာရဟန်းတော်များ နုိုင်ငံခြားသုို့မကြွခင် ကမ္ဘာအေးကုန်းမြေမှာရှိတဲ့ နုိုင်ငံတော်သံဃာ့ မဟာနာယက ဆရာတော်ကြီးများထံမှာ သြ၀ါဒခံယူရပါတယ်။ အဲဒီမှာ သူတုို့ချမှတ်ထားတဲ့ စည်းကမ်း များထဲမှာ နုိုင်ငံခြားမှာ လက်ဆွဲနှုတ်ဆက်ခြင်းမပြုရဘူးဆုိုတာ တခုပါတယ်။ ဒီစည်းကမ်းချက်တွေကို လုိုက်နာပါမယ်ဆုိုတဲ့အကြောင်း ကတိဝန်ခံလက်မှတ်ရေးထုိုးထားရပါတယ်။

ခက်တာက နုိုင်ငံခြားသားတွေအနေနဲ့ နှုတ်ဆက်ဘုို့အတွက် လက်ကမ်းပေးလုိုက်တာကုို ပြန်ပြီးတော့ လက်ကမ်းမပေးရင် စောစောကပြောသလုို သူတုို့အမြင်မှာ အတော်ရုိုင်းပါ တယ်။ ယဉ်ကျေးမှုမသိတဲ့ လူအဖြစ် မြင်သွားတတ်ကြပါတယ်။ ဒီလုိုအပြောခံရတာကုို ကုိုယ်တုိုင်လဲကြုံဖူးပါတယ်။ အဲဒီအခါမှာ သူလဲအောင့်သက်သက်ဖြစ် ကုိုယ်ကလဲပုထုဇဉ် သဘာဝ ရုိုင်းတယ်လုို့အပြောခံရတဲ့အတွက် စိတ်မနော ဒေါသထွက်ရတာပေါ့။ တခါ တလေကျတော့လဲ အတူပါသွားတဲ့ ဗုဒ္ဓဘာသာဝင် ဒကာတယောက် ယောက်က ကြားက ရှင်းပြပေးရပါတယ်။ အဲဒီအခါ တချို့က တအံ့တသြနဲ့ ရှေ့ မှာတော့ အုိုကေပါဆုိုပြီး 

ခေါင်းတညိမ့်ညိမ့်နဲ့ နားလည်သလုို လက်ခံကြပေမယ့် ကွယ်ရာမှာတော့ ဝေဖန်တတ်ကြပါတယ်။

ဒီတော့ရဟန်းတော်များ လက်ဆွဲနှုတ်ဆက်ခြင်းမပြုသင့်ဘူးလုို့ ထင်ရတဲ့အကြောင်းကုို ဆန်းစစ်ကြရ 

အောင်ပါ။ ဗုဒ္ဓဘာသာတွေရဲ့အမြင်မှာ ရဟန်းတော်များဟာ လူဝတ်ကြောင် တွေထက် ကုိုယ်ကျင့်သိက္ခာ မြင့်မားတဲ့အတွက် လူဝတ်ကြောင်တွေက ရဟန်းတော်တွေကို နှုတ်ဆက်တဲ့အခါ လက်အုပ်ချီလျက်သာ နှုတ်ဆက်သင့်တယ်လုို့ ယူဆထားတာက အခြေခံအကြောင်းပါ။ ဒီအချက်ကုို ဗုဒ္ဓဘာသာဝင်တွေအနေ နဲ့ ပြဿနာမရှိပါ။ အားလုံး လက်ခံကြပါတယ်။ သုို့ပေမယ့် ဘာသာခြားတွေအတွက်ကတော့ ရဟန်းလဲ လူ၊ လူလဲ ရဟန်းပဲလုို့ စိတ်ထဲခံယူထားကြတာပါ။ ပြီးတော့ သူတုို့ရဲ့ ခရစ်ယာန်ဘုန်းကြီးတွေကုို နှုတ် ဆက်တာမှာလဲ သူတုို့ယဉ်ကျေးမှုအတုိုင်း လက်ဆွဲနှုတ်ဆက်ကြတာပါပဲ။ ဆုိုတော့ ဗုဒ္ဓဘာသာဝင် ရဟန်းတော်တွေကုိုလဲပဲ တကမ္ဘာလုံးကလက်ခံအသိအမှတ်ပြုထားတဲ့ လက်ဆွဲနှုတ်ဆက်ခြင်းမျိုးနဲ့ နှုတ်ဆက်တာကုို ငါတုို့တွေက လက်ပြန်ကမ်းမပေးတော့ ရုိုင်းတယ်လုို့ ထင်ကြပြီပေါ့။

နောက်ထပ်အကြောင်းတခုကတော့ ၀ိနည်းတော်မှာ ရဟန်းတော်များသည် မာတုဂါမ လက်ကုိုမကုိုင် အပ်ဘူးလုို့ ပညတ်ချက်ရှိပါတယ်။ ဒီတော့ လူဝတ်ကြောင်ယောကျာ်း တွေကုိုတောင် လက်ဆွဲနှုတ် ဆက်ရင် မျက်လုံးထဲကန့်လန့်ဖြစ်နေတဲ့ ဗုဒ္ဓဘာသာဝင်များ အဖုို့ မာတုဂါမတယောက်ကုို လက်ဆွဲနှုတ် ဆက်တာမျိုးလုပ်ရင် ပုိုဆုိုးတော့တာပေါ့။ ဗုဒ္ဓ ဘာသာဝင်မဟုတ်တဲ့ နုိုင်ငံခြားသား မာတုဂါမ တယောက်က နှုတ်ဆက်ဖုို့လက်ကမ်းလာတာကုို ပြန်ပြီးတော့လက်ကမ်းမပေးပြန်ရင်လဲ အပေါ်မှာဆုို ထားသလုို ရဟန်းတွေ ရုိုင်းပြန် ပြီပေါ့။

ဒီတော့ ၀ိနည်းသိက္ခာပုဒ်နဲ့ပတ်သက်ပြီး ပြောကြရအောင်ပါ။ ၀ိနည်းတော်ထဲမှာ ရဟန်းတော်များ မာတုဂါမကုို မတုို့မထိရဘူးလုို့ ပညတ်ချက်ရှိတယ်ဆုိုတာ မှန်ပါတယ်။ ဒါက လူဒါယကာတွေ သိထားတဲ့အကြမ်းဖျဉ်း သဘောတရားမျှသာပါ။ ဒီသိက္ခာပုဒ်နဲ့ ပတ်သက်ပြီး လူဒါယကာတွေ မသိထားတဲ့အချက်တွေရှိပါသေးတယ်။ အဲဒါကဘာလဲဆုိုတော့ မာတုဂါမကုိုတုို့ထိတဲ့ ရဟန်းတော်ရဲ့ ထားရှိရမယ့်စိတ်နေစိတ်ထားပါပဲ။ တပ်မက်တဲ့စိတ်နဲ့ တုို့ထိမှ အာပတ်သင့်တာပါ။ အသက်အရွယ်ကုို လုိုက်ပြီး “ဂေဟဿိတပေမ“ လုို့ခေါ်တဲ့မိခင်လုို နှမလုိုစိတ်ထားမျိုးနဲ့ကုိုင်ရင် အာပတ်မသင့်ပါဘူး။ နုိုင်ငံခြားရောက် ဗုဒ္ဓဘာသာ ဒကာဒကာမတွေအနေနဲ့ ဒါကုိုလဲ သိထားသင့်ပါတယ်။ တဏှာရာဂ တပ်မက်စိတ်နဲ့ တုို့ထိကုိုင်တွယ်တယ်ဆုိုရင်တော့ တစိမ်းမိန်းမတွေကုိုမပြောနဲ့ မိခင်နဲ့ နှမတွေကုိုလဲ မကုိုင်မထိကောင်းပါဘူး။ မိန်းမ တွေကုိုမပြောနဲ့၊ ယောကျာ်းတွေကုိုတောင် တဏှာရာဂတပ်မက်တဲ့ စိတ်နဲ့ မတုို့ထိအပ် ပါဘူး။

သံဃာ့မဟာနာယကဆရာတော်ကြီးတွေ စည်းကမ်းချက်ထုတ်ထားတာက သူတုို့ကရှေးရုိုးစွဲ conservative အမြင်နဲ့ အဲဒီစည်းကမ်းထုတ်ထားကြတာပါ။ အခုအဲဒီစည်းကမ်းချက် ရှိမရှိတော့ မသိတော့ပါ။ ရှေးရုိုးစွဲဆရာတော်ကြီးများကတော့ အင်္ဂလိပ်စာလေ့လာတာကုိုတောင်မှ အပြစ်လုို့ သတ်မှတ်ကြတာပါ။ အခုနောက်ပုိုင်း ဆရာတော်ကြီးများလဲ နုိုင်ငံခြားကုိုကြွလာတဲ့ အတွေ့အကြုံတွေ ရှိလာတော့ သူတုို့လည်း နားလည်လာကြပါပြီ။ 

သူများတုိုင်းပြည်မှာ ရုိုင်းတယ်လုို့အပြောခံရရင် ကုိုယ့်ရဲ့သာသနာပြုလုပ်ငန်း ဘယ်လုိုမှ အောင်မြင်မှာ မဟုတ်ပါဘူး။  အဲဒါကြောင့် မိမိတုို့ရဲ့ဗုဒ္ဓဘာသာဝင် ရဟန်းတော်တွေ ရုိုင်း တယ်လုို့အပြောမခံရအောင် နှုတ်ဆက်ဘုို့ လက်ကမ်းလာတဲ့ ဘာသာခြားနုိုင်ငံခြားသား တွေကုို မိန်းမကုိုဖြစ်စေ၊ ယော ကျာ်းကုိုဖြစ် စေ လက်ပြန်ကမ်းနှုတ်ဆက် ပေးတဲ့ရဟန်းတော်များကုို မြင်မိတွေ့မိတဲ့အခါ နားလည်ပေးကြဖုို့ပါ။