ဘာသာရေးနှင့်ပရဟိတစိတ်ဓာတ်
လူတုို့သည် များသောအားဖြင့် တစ်နေ့တစ်နေ့ နံနက်အိပ်ရာထချိန်မှ ညအိပ်ရာ ၀င်သည့်အချိန်အထိ စီးပွားရေး၊ ကြီးပွားရေးနှင့် အစားအသောက်အပျော်အပါး တုို့ဖြင့်သာ အချိန်ကုန်လေ့ရှိကြသည်။ လူတုို့၏တစ်နေ့တာ အချိန်ဇယားကုိုကြည့် လျှင် ယနေ့ဘာဝယ်ရမည်၊ ဘယ်သွားရမည်၊ ဘယ်သူနဲ့တွေ့ရမည်၊ ဘာအကြောင်း ဆွေးနွေးမည်၊ အောင်မြင်ကြီးပွားရေးအတွက် ဘာတွေလုပ် ကြမည်၊ ဘာတွေစား သောက်မည်… စသည့်စသည့် လောကီရေးရာ ကိစ္စများဖြင့်သာ အချိန်ကုန် လေ့ရှိ သည်ကုို တွေ့ရပေသည်။
တကယ်တော့ ဤအရေးအရာ ကိစ္စများသည် လူ့ဘ၀အတွက် အမှန်တကယ် အနှစ် သာရရှိသည့် အရေးအရာများတော့ မဟုတ်ပေ။ အကြောင်းမူ ထုိုအရေးအရာများမှာ မိမိသေဆုံးသွားသည့်အခါ မိမိနောက်ပါသွားမည့် အရာများမဟုတ်သောကြောင့်ပင်။ တစ်နေ့တစ်နေ့ရုန်းကန်လှုပ်ရှား၍ စုဆောင်းရရှိလာသော ရွှေငွေကျောက်သံပတ္တမြား စည်းစိမ်ဥစ္စာများ၊ အိမ်ခြံမြေများ၊ အ၀တ်အစားများ၊ နောက်ဆုံးမိမိတုို့ အလွန်တရာချစ်ခင်နှစ်သက်ရပါသော ဇနီးခင်ပွန်းသားသမီးများ၊ အားလုံးအားလုံး တုို့သည် မိမိတုို့သေဆုံးသည့်အခါ ကုိုယ့်နောက်ကုို တစ်ခုတစ်လေ တစ်စုံတစ်ဦးရယ်မှ လုိုက်ပါသွား ကြမည်မဟုတ်ပါ။
သုို့ဆုိုလျှင် လူ့ဘ၀အတွက် အမှန်တကယ် အနှစ်သာရရှိသည့်အရာများကား ဘာတွေနည်း။
ရှင်းပါ သည်။ သေလျှင် ကုိုယ့်နောက်ပါသွားနုိုင်မည့် အလုပ်များကုိုပြုလုပ်ခြင်း
သည်သာလျှင် ဘ၀၏ အနှစ်သာရ ဖြစ်ပေသည်။ ဒါန၊ သီလ၊ ဘာဝနာကုိုအခြေခံ သော ကုသုိုလ်ကောင်းမှုများကုို ပြု
လုပ်ခြင်း၊ မရှိဆင်းရဲသားတုို့အား ထောက်ပံ့ ပေးကမ်းခြင်း၊ ဖျားနာမကျန်းဖြစ်သူတုို့ အားဖေးမခြင်း၊ ဒုက္ခရောက်
နေသူတုို့အား ကယ်တင်ခြင်း၊ ငွေကြေးမပြည့်စုံသဖြင့် ပညာမသင်ကြားနုိုင်သူတုို့အား ငွေကြေးဖြင့် ကူညီခြင်းတည်းဟူသော ပရဟိတခေါ် အများအကျိုးဆောင် လုပ်ငန်းများကုိုပြုလုပ်
ခြင်းတုို့သည် ဘ၀အတွက် အနှစ်သာရ ရှိသော လုပ်ငန်းများပင်ဖြစ်ပေသည်။
ဤလုပ်ငန်းတုို့ကုိုမပြုလုပ်လုိုသော လူအချို့ တုို့သည် ဆင်ခြေဆင်လက်သဘော မျိုးဖြင့် စိတ်ကောင်း ထားရင်ပြီးတာပဲဟုဆုိုကာ အဆုိုပါလုပ်ငန်းတုို့မှ ခပ်ကင်းကင်း နေလျက် အပျော်အပါးတုို့ဖြင့်သာ မွေ့လျော်ကြလေသည်။ ဤပုဂ္ဂိုလ်တုို့သည် အချိန် တန်၍သေခြင်းတရားနှင့် ဆုံရသည့်အခါ စိတ် မကောင်းဖြစ်ခြင်း နောင်တတရားများ ဖြင့် တွေတွေဝေေ၀ သေရတတ်သည်။ ငါကုသုိုလ်ကောင်းမှု တစ်ခုမှ မလုပ်ခဲ့ရပါ လား၊ ငါအများအကျိုးကုို တစ်ခုမှမလုပ်ခဲ့ရပါလားဟူ၍ နောင်တတရားတုို့ဖြင့်
သေရတတ်လေသည်။ စိတ်မကောင်းခြင်း၊ နောင်တရခြင်းများဖြင့် သေသူသည် ကောင်းရာဘုံဘ၀ သုို့ရောက်ရှိမည်မဟုတ်ပေ။
စိတ်ကောင်းထားရင် ပြီးတာပဲဟု
ညဆင်ခြေပေးသူများအတွက်
အနည်းငယ်
စကားပြောချင်သည်။
စိတ်ကောင်းထားခြင်းသည် လူတုိုင်းအတွက် မရှိဖြစ် လုိုအပ်သည်မှာမှန်၏။ သုို့သော် ဤမျှနှင့်မလုံ လောက်သေးပါ။ ဤမျှနှင့် ဘ၀ အတွက် အနှစ်သာရပြည့်ပြီဟု မဆုိုနုိုင်သေးပါ။
လောက၌ပညာတတ်ပြီး ဥစ္စာမွဲသူ တုို့ကုို အများအပြားတွေ့နုိုင်သည်။ ထုိုသူတုို့သည် စိတ်ကောင်း လည်းရှိကြသည်။ သုို့သော် ဘာကြောင့် ပညာတတ်ပြီး ကုန်းကောက်စရာမရှိအောင် မွဲကြသနည်း။ အဖြေမှာ ရှေးဘ၀က ဒါနမျိုးစေ့ နည်းခဲသေ့ာကြောင့်ပင်ဖြစ်သည်။ တစ်ဖန် အချို့ သောလူတုို့မှာ ပညာလည်းတတ်၊ ဥစ္စာလည်းပေါ၊ ရုပ်ရည်လည်းချောမောလှပ ကြပါ၏။ သုို့သော် ငယ်စဉ်ကပင် ကျန်းမာ ရေးချို့တဲ့ကြရုံမက တချို့မှာ အသက် အရွယ် ငယ်ငယ်ရွယ်ရွယ်ဖြင့် ဆုံးပါးသွားကြသည်။ ဘာ့ကြောင့်နည်း။ ထုိုသူ တုို့သည် ရှေး ဘ၀က သီလမျိုးစေ့ နည်းခဲသေ့ာကြောင့်ဖြစ်သည်။
တချို့သော လူတုို့သည်ကား ပညာသင်သည့်အခါ ရှေ့ကသင်လုိုက်နောက်ကမေ့
လုိုက်ဖြင့် ဘယ်လုိုမှ သင်မရနုိုင်သောလူတုို့ကုိုလည်းတွေ့မြင်ရဘူးလေသည်။ ယင်းမှာ ဘာဝနာမျိုးစေ့နည်းခြင်းကြောင့် ဖြစ်ရလေသည်။
ထုို့ကြောင့် လူသည် စိတ်ကောင်းထားရုံနှင့် မလုံလောက်။ လူကြားသူကြားထဲ လူလုိုသူလုိုနေနုိုင်အောင် လူတန်းစေနေ့နုိုင်အောင်၊ လူ့ငမွဲမဖြစ်ရလေအောင် ဒါနမျိုးစေ့ကုိုလဲပျိုး ထားရသည်။ ဖြစ်လေရာဘ၀မှာ ကျန်းကျန်းမာမာအသက်ရှည်ရှည် နေနုိုင်အောင် သီလမျိုးစေ့ကုို လည်း ပျိုးထားရသည်။ တတ်သင့်တတ်ထုိုက်သည့် အတတ်ပညာများကုို အလွယ် တကူသင်ကြား နုိုင်အောင် သိဥာဏ်တုိုးပွား ပညာများကြောင်း ဘာဝနာမျိုးစေ့ကုို လည်း ပျိုးထားရပေသည်။
ဤနေရာ၌ ရှေးဘ၀ဟူသောစကားကုို အနည်းငယ်ရှင်းရပေဦးမည်။ ဤဆောင်းပါးသည် ဗုဒ္ဓဘာသာ ရဟန်းတစ်ပါးက ဗုဒ္ဓဘာသာအမြင်ရှုထောင့်မှ ရေးသားထား ခြင်းဖြစ်၍ ဗုဒ္ဓတရားတော်နှင့် အညီ ရှေး ဘ၀ဟူ၍ သုံးနှုန်းရခြင်းဖြစ်သည်။ ရှေးဘ၀သည်လည်းကောင်း၊ နောက်ဘ၀သည်လည်းကောင်း တကယ်ရှိပါရဲ့လား ဟု ဗုဒ္ဓဘာသာဝင်မဟုတ်သူတုို့က မေးမြန်းနုိုင်ပါသည်။
လူသားတုို့ ယနေ့အသက် ရှင်နေခြင်းသည် ယနေ့အတွက်တစ်ခုတည်းမဟုတ်သည်ကုို သတိပြုသင့်ကြသည်။ ကျွနု်ပ်တုို့အတွက် မနက်ဖြန်ပေါင်းများစွာရှိစောင့်ကြိုလျက်ရှိသည်။ သုို့ဖြစ်ရာ မနက် ဖြန်ပေါင်းများစွာ၌ ပြည့်စုံလုံလောက် စွာ နေထုိုင်စားသောက်နုိုင်ရေးအတွက် ယနေ့ကတည်းက မိမိတုို့စုဆောင်း ထားရှိရမည်။ မနက်ဖြန်
ပေါင်းများစွာ၌ ကျန်းမာပျော် ရွှင်စွာ နေထုိုင်နုိုင်ရေးအတွက် ယနေ့မိမိတုို့ ဆင်ခြင်သတိတရားဖြင့် နေထုိုင်သင့် ကြသည်။ တနည်းဆုိုရလျှင် အနာဂတ်လှပကောင်းမွန်ဘုို့ အတွက် ပစ္စုပ္ပန်၌ပြင်ဆင် ထားရှိရမည်။
နောက်ဘ၀ဟူသောအယူအဆသည်လည်း ဤသဘော တရားအတုိုင်းပင်ဖြစ် သည်။ ယနေ့မိမိတုို့ အသက်ရှင်နေခြင်းသည် ဤဘ၀တစ်ခုတည်းအတွက် မဟုတ်၊ နောက်ဘ၀ပေါင်း မြောက်များစွာရှိ
သေးသည်။ နောက်ဘ၀၌ သာယာလှပဘုို့အ တွက် ဤဘ၀တွင် ပြင်ဆင်ထားကြရသည်။ သုို့မှသာ ဤဘ၀မှသေပြီးသည့်နောက် မြင့်မြတ်သောဘ၀ကုိုရရှိပြီး အဆင့်အတန်းရှိရှိ လူတန်းစေ့ ကျန်းကျန်း မာမာ အသက်ရှည်ရှည် နေထုိုင်သွားနုိုင်သည့် ဘ၀ကုို ရရှိပုိုင်ဆုိုင်ကြမည်ဖြစ်ပေသည်။
ဤသုို့ဖြစ်ဘုို့အတွက် ဘယ်လုိုပြင်ဆင်ထားရမည်နည်း။ အထက်မှာဆုိုခဲ့သည့်အတုိုင်း သွားမယ် လာမယ် စားမယ်သောက်မယ် ပျော်ပါးမယ်ဟူသော အလုပ်တုို့ဖြင့်သာ မွေ့လျော်မနေဘဲ လူ့ဘ၀ အတွက်တကယ်အနှစ်သာရရှိမည့် ဘာသာတရားလေ့လာလုိုက်စားမှုတုို့ကုိုလည်း ကြုံလျှင်ကြုံသလုို ပြုလုပ်ကြရပေမည်။ ဘာသာတရားလေ့လာလုိုက်စားခြင်းကုို တမင်တကာအချိန်ပေး၍ ပြုလုပ်မှသာ လျှင် ပြုလုပ်ဖြစ်ကြပေမည်။ “အလုပ်လုပ်နေရလုို့ မအားပါဘူး၊ အိမ်အလုပ်တွေနဲ့ ရှုပ်နေလုို့ မလုပ်နုိုင်
သေးပါဘူး၊ ကလေးတွေအလုပ် လုိုက်လုပ်ေပးနေရလုို့ မလုပ်ဖြစ်သေး ပါဘူး” ဟု အကြောင်းအမျိုးမျိုး ပြနေကြလျှင် ဘာသာတရားကုို လေ့လာလုိုက်စား ဖြစ်တော့မှာ မဟုတ်ပေ။ အများအကျိုးဆောင် ပရဟိတလုပ်ငန်းများကုိုလည်း လုပ် ဖြစ်ကြတော့မည် မဟုတ်ပေ။
“ဃရာဝါသ သမ္ဗာဓ- ကိစ္စများမြောင် လူတုို့ဘောင်” ဟူသောဆုိုစကားအတုိုင်း လူ့ဘောင် မှာနေမှတော့ မိသားစုကိစ္စ၊ စီးပွားရေး ကြီး ပွားရေးကိစ္စတုို့ကုို လူတုိုင်းလူတုိုင်းရှောင်လွှဲ၍မရပါ။ လူတုိုင်းလူတုိုင်း လုပ်ကြရမည်။ သေသည်အထိ လုပ်ကြရမည်။ ဤသုို့လုပ်နေကြသည့်ကြားမှပင် အားလပ်ချိန်ကုို တမင်တကာဖန်တီး၍ ဘုရားကျောင်းကန်များသုို့သွားရောက်ကာ ဒါန၊ သီလ၊ ဘာဝနာလုပ်ငန်းတုို့ကုို ကြုံလျှင်ကြုံသလုိုပြုလုပ်ကြရပေမည်။ အများအကျိုးဆောင် ပရဟိတလုပ်ငန်းများကုို အခါအခွင့်သင့် သလုို ပြုလုပ်ကြရပေမည်။ သုို့မှသာ မိမိတုို့ရရှိထားသော လူ့ဘ၀သည် အနှစ်သာရရှိပြီး အဘုိုးအနဂ္ဃ ထုိုက်တန်မည်ဖြစ် ပေသည်။
ထုို့ကြောင့် လူသားတုို့အနေဖြင့် အပျော်အပါး၌သာ အချိန်မကုန်စေသင့်ပါ။ စိတ်ကောင်းထား နုိုင်ရုံနှင့် တင်းတိမ်မနေသင့်ကြပါ။ လူ့ဘ၀အတွက် အနှစ် သာရဖြစ်သည့် ဘာသာရေးလုပ်ငန်း ဖြစ်သော ဒါနမှု၊ သီလမှု၊ ဘာဝနာမှုတုို့ကုို အချိန်ရလျှင်ရသလုို ပြုလုပ်သင့်ကြသည်။ အများအကျိုးဆောင် ပရဟိတ အလုပ် များကုို ပြုလုပ်သင့်ကြသည်။ ဘာသာရေးလုပ်ငန်းနှင့် ပရဟိတလုပ်ငန်းတုို့သည် စိတ်ကောင်း မရှိဘဲနှင့် လုပ်နုိုင်သောအရာများမဟုတ်သောကြောင့် ဤအလုပ်တုို့ကုို လုပ်ခြင်းဖြင့် အလုိုလုိုစိတ်
ကောင်းရှိနှင့်ပြီးဖြစ်ပေသည်။
No comments:
Post a Comment